Dataingeniør 

Tussa Energi

Tussa Energi er eit dotterselskap i Tussakonsernet. Selskapet har hovudkontor i Ørsta og har om lag 30 medarbeidarar. Tussa Energi planlegg, byggjer og driv vasskraftverk, og kjøper og sel kraft i kraftmarknaden. 

Spennande stilling i krafthandelsavdelinga

Tussa Energi står ei digital omstilling der blant anna betre utnytting av data frå kraftverka våre står sentralt. Vi leitar no etter fleire dyktige kollegaer som kan bidra til omstillinga.

Tussa Energi har ansvar for vedlikehald og utvikling av eksisterande kraftverk, bygging av nye kraftverk og omsetjing av produsert kraft. 

Vi nyttar dataplattforma Azure, der vi brukar verktøy som Databricks, dbt og Terraform for å byggje og vidareutvikle plattforma. Vi nyttar GitHub med CI/CD-løp for trygg og effektiv utvikling. Som presentasjonsflater og brukargrensesnitt nyttar vi Power BI, Docker og Streamlit. Integrasjon og dataflyt frå produksjonssystem (OT) er ein viktig del av arbeidet, og vi satsar på løysingar som gjer denne informasjonen meir strukturert, påliteleg og lett å utnytte vidare. Vi vurderer løpande bruk av nye verktøy som t.d. Grafana for visualisering og overvaking.

Du treng ikkje å kunne alle verktøya frå før. Det viktigaste er at du er nysgjerrig, lærevillig og har lyst til å vere med og byggje gode, framtidsretta dataløysingar saman med oss.

• Vidareutvikling av Tussa Energi si dataplattform
• Dataflyt mellom kraftverk, SCADA-system og måleverdidatabase
• Dataforvalting, -kvalitet, -analyse og -innsikt
• Utvikling av løysingar for avviksdeteksjon og prediktivt vedlikehald i grensesnittet mellom OT og IT
• Industrielle kommunikasjonsstandardar som OPC UA
• Standardisering av data

• Høgare utdanning innan kybernetikk, industriell matematikk, datateknologi, informatikk eller anna relevant fagfelt (bachelor eller master).
• God kjennskap til Python og SQL.
• Interesse for dataanalyse og maskinlæring i industrielle prosessar.
• Erfaring med (eller ynskjer å lære meir om) datamodellering, IaC i Azure, Databricks, Kubernetes, Kafka og CI/CD i Github Actions.
• 3+ års arbeidserfaring

Søknad
Du må ikkje oppfylle alle punkta for å søkje. Har du relevant bakgrunn og er motivert for stillinga, vil vi gjerne høyre frå deg.

Vi tilbyr

• Interessante og utfordrande arbeidsoppgåver i eit solid selskap med høg aktivitet
• Eit uformelt arbeidsmiljø som legg vekt på personleg utvikling, sjølvstende og trivsel
• Gode velferds-, pensjons- og forsikringsordningar

Før tilsetting vil vi gjennomføre bakgrunnssjekk og personkontroll med heimel i kraftberedskapsforskrifta. Relevante kandidatar vil få nødvendig informasjon om dette. Tilsetting vert gjort med føresetnad om godkjent bakgrunnssjekk.