Leiar av felles eining for operative tenester

Om stillinga

Er du vår nye leiar av felles eining for operative tjenester i Møre og Romsdal politidistrikt?

Vi søkjer deg som har høg integritet, evne til å vidareutvikle medarbeidarar og god gjennomføringsevne. Du set retning, skaper oppslutning om mål og gjennomfører nødvendige endringar. Som leiar i politiet skal du oppnå gode resultat på alle område, i dagleg
drift og ved kriser.

I stillinga vil du ha overordna fag- og koordineringsansvar for politidistriktet si politioperative verksemd, under dette stabsleiing, øving og beredskap og operasjonssentral. Du blir ein del av leiargruppa i politidistriktet og ein del av nettverket for leiarar for operative tenester i politiet. Vi treng deg med god heilskapsforståing og gode samarbeidsevner knytt til politiet sitt samfunnsoppdrag. Ein må pårekne ein del reiseverksemd i stillinga.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg med relevant leiarerfaring, som ønskjer å setje retning og utvikle polititenesta i Møre og Romsdal. 

Vidare søkjer vi deg som opptrer profesjonelt til ei kvar tid og fungerer som ein god ambassadørar for politiet gjennom handlingane dine i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på, i tillegg til evna til å sørgje for eit inkluderande og respektfullt arbeidsmiljø.

Arbeidsoppgåver

Hovudoppgåver: 

• bidra aktivt i politimeisteren si leiargruppe, følgje opp avgjerdene til politimeisteren og setje i verk vedtekne endringar
• budsjett-, resultat- og personalansvar i eiga funksjonelle eining
• vareta fagmyndigheitsrolla (metode, kvalitet, rettleiing, fagutvikling, tilsyn) innanfor ansvarsområdet 
• sørgje for høg kvalitet, effektiv drift og ressursbruk ved å ta i bruk tilgjengelege digitale løysingar og beste praksis 
• utvikle eit godt medarbeidarskap, ønskt kultur og god medarbeidartilfredsheit 
• leggje til rette for kunnskapsbasert erfaringslæring og sørgje for systematiske forbetringar innanfor det politioperative arbeidet 

Andre oppgåver: 

• vareta og sørgje for god samhandling med politidistriktet sine samverkeaktørar og sørgje for effektiv og einskapleg kommunikasjon (internt og eksternt)
• overordna ansvar for at planverket til politidistriktet er oppdatert, harmonisert og operasjonalisert
• vere pådrivar for god tryggingskultur i politidistriktet og oppfølging av intern sikkerheit

Kvalifikasjonar

Dette må du ha for å vere kvalifisert:

• politi(høg)skolen eller anna relevant utdanning minimum på bachelornivå
• relevant leiarerfaring med god resultatoppnåing
• kunnskap og erfaring kriseleiing eller leiing av beredskapsarbeid
• plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jamfør politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga
• kunne klarerast for HEMMELEG jf. Sikkerheitslova

Det er også ønskjeleg med

• relevant leiarutdanning
• anna relevant vidareutdanning

Personlege eigenskapar

• resultatorientert og god beslutnings- og gjennomføringsevne
• evne til å sette retning, drive endring og skape resultat i samhandling med andre
• godt heilskapleg blikk og evne til strategisk og langsiktig arbeid
• god evne til kommunikasjon og relasjonsbygging
• samfunnsorientert og har forståing av eininga si rolle i politiet sitt samfunnsoppdrag 
• medarbeidarorientert og har evne til å motivere og utvikle medarbeidarane

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar vert særleg vektlagt i leiarstillingar.

Dette kan vi tilby

• ei utfordrande og utviklande leiarstilling for deg som vil vere med og forme politiet for framtida
• fast stilling som politiinspektør, stillingskode 0290, med brutto årslønn frå kr. 1 200 000 til kr. 1 250 000. For særskilt kvalifiserte kan noko høgare lønnsplassering vurderast. Særavtale for leiarar med uregulert arbeidstid gjeld for stillinga.
• medlemskap i Statens pensjonskasse, med mellom anna gode pensjons- og forsikringsordningar Les meir på www.spk.no. Det blir trekt to prosent frå løna til innskot i Statens pensjonskasse
• mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.