Sommarvikar innan offentlege anskaffingar

Forsvarsbygg si avdeling for anskaffingar søkjer ein sommarvikar til saksbehandling innan offentleg anskaffingar i skulen sommarferie (juni- august). 

Arbeidsoppgåver vil primært vere knytt til gjennomføring av anskaffingar av kontrakter til alle Forsvarsbygg sine avdelinger. 
 
Arbeidsstad for stillinga er Harstad. 


Som sommarvikar vil du få ein avtale som blir kalla rammeavtale for tilkalling for perioden 01.06.2026 – 30.08.2026. Denne avtalen vil seie noko om kva vilkår som gjeld, og kva lønn du får når du er på jobb. Når du skal jobbe innanfor denne perioden, blir avtalt med den som blir leiaren din. Normalt jobbar ein sommarvikar i 100 % stilling innanfor den oppgitte perioden, men det blir lagt til rette for moglegheita til å ta ut noko ferie i løpet av perioden, dersom dette er ønskjeleg for deg .
I etterkant av sommervikariatet kan det bli aktuelt med deltidsarbeid som kan kombinerast med studiar.


Les meir om Forsvarsbygg på www.forsvarsbygg.no og på karrieresida vår: www.forsvarsbygg.no/jobb 

Arbeidsoppgåvar

Stillinga omfattar leiing av anskaffingsprosessar og oppfølging av kontraktar ved behov. Dette inneber mellom anna å:

• utarbeide kontraktsstrategiar i ulike fasar av prosjekt 
• gjennomføre marknadsanalysar og marknadsdialog i samarbeid med relevante fagmiljø 
• utarbeide konkurransegrunnlag og gjennomføre anskaffingar, inkludert minikonkurransar, konkurransar i dynamiske innkjøpsordningar og avrop 
• evaluere tilbod og tildele kontraktar 
• leggje til rette for kontraktsinngåing, samt støtte implementering og kontraktsoppfølging ved behov 
  

Kven ser vi etter?

Vi ser etter deg som har evne til å arbeide sjølvstendig og strukturert, og er påliteleg og ansvarleg. Du må kunne samarbeide godt med andre og kommunisere godt. Om du også er lærevillig og motivert for arbeid med offentlege anskaffingar kan du være ein god match for oss. 

Kvalifikasjonar

• Du er student og tek høgare utdanning innan relevante fagområde, til dømes jus, økonomi, beredskap, ingeniørfag eller liknande
• God IT-kompetanse, mellom anna i Excel og Word. Gjerne òg kunnskap om KI
• Gode skriftlege og munnlege ferdigheiter i norsk
• Du må kunne autoriserast til nivå B før oppstart. Klareringsprosess for nivå K/NC vil bli sett i gang, men det er ikkje eit krav at denne er ferdig før oppstart

Vi tilbyr

Løn som konsulent (stillingskode 1065), frå kr 494 500 til 585 300, avhengig av kor langt du har kome i studieløpet.

Kontaktinformasjon

Oddgeir Ekerhovd, Avdelingsleiar Kontrakt, 993 52 663

Arbeidsstad

6. Divisjons gate 12
9406 Harstad

Nøkkelinformasjon:

Arbeidsgivar: Forsvarsbygg

Referansenr.: 5112473384
Stillingsprosent: 100%
Sommerjobb
Søknadsfrist: 07.05.2026