Lege i spesialisering - fødselshjelp og kvinnesjukdomar

Vi har ledig ei spennande 100 % stilling (vikariat) for lege i spesialisering (LIS) i fødselshjelp og kvinnesjukdomar, med oppstart etter avtale og varigheit fram til 31.08.2027

Hos oss blir du ein del av eit fagleg sterkt og inkluderande miljø med åtte normerte legestillingar, fordelte på fem overlegar og tre LIS-legar. Seksjonen legg stor vekt på fagleg utvikling, tett samarbeid og god rettleiing. Som LIS vil du få ei variert og lærerik kvardag med høve til å utvikle brei kompetanse innan både fødselshjelp og gynekologi.

Fødeavdelinga har om lag 450-500 fødslar i året, med låg- til moderat-risiko fødslar. Vi utfører ikkje kreftoperasjonar, men tek oss av alle vanlege gynekologiske tilstandar. Vaktordninga er 6-delt, med heimevakt om natta. Dette gir god klinisk erfaring og ansvar, samstundes som ordninga legg til rette for ein god balanse mellom arbeid og fritid.
Både seksjonen og sjukehuset elles har eit godt arbeidsmiljø, er veldrivne og godt utstyrte. Vi har barnelege til stades 2-3 dagar i veka, men ingen barneavdeling.

Arbeidsoppgåver

Klinisk arbeid som lege i spesialisering på poliklinikk, dagkirurgi, operasjon, sengepost og med deltaking i vakt og på føde-/barselavdelinga

Kvalifikasjonar

• Meistre godt norsk, både skriftleg og munnleg
• Norsk autorisasjon som lege
• Godkjent del 1 av spesialistutdanninga eller turnusteneste etter gammal ordning
• Søkjarar som har fullført LIS1-tenesta, men ventar på formell godkjenning, vert også rekna som kvalifiserte for stillinga. Alle læringsmål i LIS1 må vere oppfylte før tiltreding

Personlege eigenskapar

• Du har fagleg engasjement
• Du har gode kommunikasjons- og samarbeidsevner
• Du medverker til eit godt arbeidsmiljø
• Du er fleksibel, positiv og endringsorientert

Å vere personleg eigna vert vektlagt ved tilsetting.

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert lasta opp som vedlegg til søknaden din.

Volda ligger midt i det beste Norge kan by på av fjord og fjell. Opplev Sunnmøre med alt den flotte naturen kan by på, fra djupe fjorder og vakkert kystlandskap, til flate fjelldalar, utfordrande klatreturar og fantastiske toppturar. Vi byr også på eit blomstrande kultur- og idrettsliv, og eit aktivt høgskulemiljø. Det er gode flysamband til heile landet frå Ørsta/Volda lufthamn som ligg 10 minutt frå sjukehuset. Les meir om Volda her. 

Kontaktinformasjon

Vilde Lund Osdal, Seksjonsleiar, Vilde.Lund.Osdal@helse-mr.no

Arbeidsstad

Kløvertunvegen 1
6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5159125369
Stillingsprosent: 100%
Vikariat
Startdato: 01.09.2026
Sluttdato: 31.08.2027
Søknadsfrist: 07.08.2026