Systemforvaltar

Helse Vest IKT forvaltar både kliniske og administrative systemløysingar for alle helseføretaka i Helse Vest. Dette inkluderer alt frå store, komplekse regionale system til mindre lokale system på dei enkelte sjukehusa. Mange av løysingane er svært kritiske i pasientbehandlinga og stiller strenge krav til oppetid og kvalitet.

Avdelinga Regionalt EPJ Fagsenter har i dag om lag 85 tilsette. Avdelinga forvaltar fleire av dei store og kritiske regionale løysingane i Helse Vest. Vi skal no styrkje oss innan forvaltning av pasientnære løysingar.

Denne stillinga skal ivareta både forvaltning, drift og utvikling av pasientnære løysingar. I Helse Vest blir løysingane brukte både lokalt, regionalt og nasjonalt.

Arbeidsstad er Bergen, Haugesund, Førde eller Stavanger.

Arbeidsoppgåver

• Du vil jobbe med drift, forvalting og vidareutvikling av pasientnære løysingar.
• Du vil jobbe med utvikling av nettbaserte skjema for pasientar.
• Du vil forvalte ei rekke integrasjonar.
• Du vil få ansvar for rapportering og eksport av data.
• Du vil handtere avvik og feilsøking.
• Du vil ha tett samarbeid med leverandørar og med dei ulike føretaka – inkludert dei private ideelle sjukehusa.
• Du vil kunne definere innhald og behov i løysingane.
• Du vil jobbe med overvaking av løysingane vi har i drift.
• Du vil delta i prosjektarbeid.

Kvalifikasjonar

• Relevant utdanning på bachelornivå.
• Relevant arbeidserfaring og personleg eignaheit kan kompensere for manglande formell utdanning.
• Du har god systemforståing.
• Du bør ha erfaring med utvikling av skjema og rapportar.
• Det er ønskjeleg at du har erfaring innan systemforvaltning.
• Kjennskap til medisinske løysingar og helsesektoren tel positivt.
• Det er ein fordel om du har erfaring med systemintegrasjon og webapplikasjonar.
• Du har gjerne meir teknisk kompetanse enn helsefagleg, men kjennskap til helse og sjukehus tel positivt.
• Det er ein fordel om du har kjennskap til DIPS, Assyst, og kompetanse innan drift og forvalting av webbaserte tenester.

Personlege eigenskapar

• Ei kreativ og løysingsorientert tilnærming til arbeidet.
• Serviceinnstilt og med fokus på kundane.
• Ein positiv bidragsytar i teamet, med godt humør og glimt i auga.
• Gode samarbeids- og kommunikasjonsevner.
• Evne til å arbeide sjølvstendig og ta ansvar.
• Stor arbeidskapasitet.
• Må meistre norsk både munnleg og skriftleg.

Vi tilbyr

Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du:

• Moglegheita til å jobbe i eit stort og tverrfagleg miljø i ein banebrytande bransje
• Tilgang til Helse Vest sine kollektive avtalar og tilbod for tilsette
• Fleksible arbeidsordningar med fleksitid og arbeidsveke på 37,5 timar inkl. lunsj
• Løn etter avtale
• Medlemskap i KLP som sikrar gode pensjonsrettar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Arbeidsstad

Nøkkelinformasjon: