Dataanalytikar

Rehabiliteringssenteret AiR søkjer dataanalytikar for resten av 2026 med arbeidssted i Rauland.

Dataanalytikaren blir ansvarleg for å drifte Kvalitetsregister for arbeidsretta rehabilitering ved Nasjonalt kvalitets- og kompetansenettverk for arbeidsretta rehabilitering.

Data frå deltakarar i arbeidsretta rehabiliteringsprogram kjem frå spørjeskjema og nasjonale register. Arbeidsoppgåver er å innhente data frå deltakande klinikkar og frå NAV, samanstille og reinse tidsseriedata, utarbeide rapportar i Power BI, nytte statistiske analysar og formidle resultat.

Kvalifikasjonar

• Dataanalytikaren må vera operativ relativt raskt.

• Det krevst erfaring med bruk av statistisk programvare, dataanalyseverktøy, psykometri og gjerne oppbygging av rapportar i Power BI.

• Stillinga krev masterutdanning.

Personlege eigenskapar

• Du tek initiativ og bidreg til fagutvikling og forbetringsarbeid.

• Du bidreg til eit godt arbeidsmiljø og trivast med faglege diskusjonar.

Me tilbyr

• Ei spennande stilling i eit fagfelt i sterk utvikling

• Arbeidsmiljø med høg kompetanse, fagleg trygge og dyktige arbeidskollegaer

• Arbeidstid, dagtid på kvardagar

• Konkurransedyktige løns- og pensjonsvilkår

• Hjelp til å skaffe møblert bustad

Om du er interessert i natur og friluftsliv vil omgjevnadane i Vinje kommune og Vest-Telemark kunne gje deg rike opplevingar gjennom alle årstider.

Me ser fram til å høyre frå deg.

Søknadsfrist: Søknadane behandlast fortløpande, siste frist 14. april.

For meir informasjon, kontakt:
Leiar FoUI, Chris Jensen, tlf. +47 919 17 918 / chris.jensen@arbeidoghelse.no