Er du god med menneske og likar å finne dei beste løysingane for kunden?

Toyota Voss held til i Tjukkebygdvegen sentralt på Palmafossen. Me er ein komplett bilforhandlar med bilverkstad, dekkhotell og sal av nye og brukte bilar. Me er merkeverkstad for Toyota, og reparerer nye og brukte Toyota, både fossil-, hybrid- og elbilar. Toyota Voss er eit av 7 selskap eigd av Jæger Automobil AS. Me vart Miljøfyrtårn-sertifiserte i 2021. Den gode gjengen på Voss består av 10 tilsette, og no ser me etter deg som vil vere bindeleddet mellom kundane og verkstaden vår!

Kva du skal gjere hos oss

Du treng ikkje å kunne alt om bil for å lykkast som kunderådgjevar hos Toyota Voss. Det viktigaste er at du likar menneske, trivst med ansvar og blir motivert av å skape gode kundeopplevingar. Som kunderådgjevar blir du bindeleddet mellom kundane våre og verkstaden. Du følgjer kunden gjennom heile besøket, frå bilen blir levert inn til nøklane blir gitt tilbake, og sørgjer for god kommunikasjon og ei trygg oppleving undervegs.

Du får ein variert arbeidskvardag der kundekontakt blir kombinert med koordinering, sal og administrative oppgåver. Nokre dagar handlar det om å finne den beste løysinga for ein kunde, andre gonger om å sørgje for at delar er på plass, følgje opp ein verkstadordre eller sikre at kunden veit kva som skjer med bilen.

• Ta imot kundar ved innlevering og utlevering av bil
• Rettleie og følgje opp kundar gjennom verkstadbesøket
• Identifisere behov og tilby relevante verkstadtenester
• Følgje opp delar og bestillingar
• Handtere ordre og fakturering
• Sørgje for god kommunikasjon mellom kunde og verkstad
• Bidra til at kundane våre får ei best mogleg oppleving

Kven ser me etter?

Me ser etter deg som naturleg set kunden først. Du er god til å lytte, forstå behov og finne løysingar, samtidig som du klarer å halde oversikt når det er mykje som skjer. Du trivst med menneske og kommuniserer godt med ulike typar kundar. Samtidig er du strukturert nok til å følgje opp detaljane som skal til for at både kunden og verkstaden får ein god kvardag.

Erfaring frå bilbransjen er ein fordel, men ikkje eit krav. Har du jobba med kundeservice, rådgjeving eller sal og kjenner deg igjen i rolla, ønskjer me også å høyre frå deg.

• Har gode kommunikasjonsevner og likar kundekontakt
• Er serviceinnstilt og oppteken av gode kundeopplevingar
• Er strukturert og løysingsorientert
• Har god arbeidskapasitet og tek ansvar
• Er komfortabel med IT som arbeidsverktøy
• Trivst med både sjølvstendig arbeid og samarbeid
• Gjerne har teknisk interesse eller forståing for bil

Kvifor Toyota Voss?

Hos oss blir du ein del av ein komplett bilforhandlar der sal, verkstad, karosseri, lakkering, klargjering, delar og dekk er samla under same tak. Du får jobbe med eit av verdas mest kjende bilmerke og blir ein del av eit fagmiljø der kvalitet, kontinuerleg forbetring og gode kundeopplevingar står sentralt.

• Gode moglegheiter for fagleg og personleg utvikling
• Opplæring og fagleg utvikling gjennom Toyota sine opplæringsprogram
• God støtte frå dyktige kollegaer
• Konkurransedyktige vilkår
• Gode pensjons- og forsikringsordningar
• Bedriftshelseteneste og tilgang til personalhytte
• Eit godt arbeidsmiljø med fokus på gode arbeidsforhold
• Moglegheita til å utvikle deg i ei solid verksemd og ein bilbransje i stor utvikling

Om Toyota Voss

Toyota Voss er ein del av Jæger Automobil AS og er ein komplett bilforhandlar på Vestlandet. Frå anlegget vårt tilbyr me mellom anna nye og brukte bilar, verkstadtenester, delar og tilbehøyr, dekkhotell, lakk forsegling og klargjering.

Jæger Automobil er ein del av Jægergruppen, Vestlandets største bilforhandlar, og representerer Toyota, Lexus, BMW og MINI. Konsernet har over 250 tilsette og ei årleg omsetjing på 1,6 milliardar kroner.

Klar for å bli Toyota Voss sitt nye ansikt ut mot verkstadkundane?