Førstekonsulent

Om stillinga

Vil du bidra i politiet sitt viktige arbeid innan pass og ID? 

Vi har ledig eit vikariat i 80 % stilling som førstekonsulent innan pass og ID ved Ålesund politistasjonsdistrikt, ved seksjon for forvaltning. Hovudoppgåva i stillinga er å ta i mot søknad om pass/ID-kort, kontrollere identitet og sikre korrekt opptak av biometriske data. Vikariatet varer i seks månadar, med oppstart etter avtale. Det kan bli aktuelt med forlenging.

Vi søkjer deg som har gode samarbeids- og kommunikasjonseigenskapar, høg servicegrad og likar å jobbe i førstelinja med publikum. Trivast du også med å jobbe sjølvstendig og ønskjer å bidra inn i det viktige samfunnsoppdraget til politiet, vil vi gjerne høyre frå deg! 

Seksjon for forvaltning held til i nye og tidsriktige lokale på politihuset i Ålesund. Seksjonen har i dag sju tilsette med variert bakgrunn, utdanning, erfaring og alder. Primæroppgåvene er mottak og registrering av søknadar om pass, i tillegg til andre forvaltningsgjeremål som høyrer til seksjonen. Stillinga har oppmøtestad ved Ålesund politistasjon.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg som har gode kommunikasjonsevner og som trivst med å jobbe sjølvstendig. Er du også serviceinnstilt og ønskjer å bidra inn i det viktige samfunnsoppdraget til politiet, kan dette vere rette stillinga for deg.

I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Motta og registrere søknad om pass/nasjonalt ID-kort 
• Personalisere og utferde nødpass 
• Dokumentbehandling og ID-kontroll 
• Rettleie publikum enten ved oppmøte eller på telefon
• Fokus på førebygging gjennom forvaltning 
• Oppgjer av kasse 
• Halde seg oppdatert på gjeldande lover, forskrifter og rundskriv innan eige fagområde 
• Kan påleggast andre oppgåver

Kvalifikasjonar

Dette må du ha for å vere kvalifisert:

• Generell studiekompetanse frå vidaregåande skole 
• Gode IT-kunnskapar
• God skriftleg og munnleg uttrykks- og formidlingsevne på norsk og engelsk
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.

Det er også ønskjeleg med:

• Relevant høgskule- eller universitetsutdanning / fagbrev. Eventuell utdanning frå utlandet må vere godkjent av Nasjonalt organ for kvalitet i utdanning (NOKUT) eller Direktoratet for høgare utdanning og kompetanse frå 1. januar 2023 for å bli vurdert.
• Relevant erfaring frå saksbehandling innan offentleg forvaltning
• Erfaring med publikumshandtering/kundebehandling 

Personlege eigenskapar

For å trivast og lykkast i stillinga, ser vi for oss at du:

• Evner å jobbe sjølvstendig og i tidvis høgt tempo
• Er serviceinnstilt
• Har evne til å kommunisere klart og tydeleg ovanfor ulike brukergrupper
• Er ein lagspelar og har gode samarbeidsevner

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar blir vektlagt.

Dette kan vi tilby om du vel oss

• Ein utfordrande og spennande arbeidsplass med eit viktig samfunnsoppdrag
• Vikariat i 80 % stilling som førstekonsulent (stillingskode 1408). Full brutto årslønn for 100 % stilling er frå kr. 495 000 til kr. 570 000. Lønna vil bli utbetalt forholdsmessig etter aktuell stillingsprosent.
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på www.spk.no
• Det blir trekt to prosent frå lønna til innskot i Statens pensjonskasse
• Fleksibel arbeidstid
• Moglegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.