Etterforskar

Om stillinga

Vi har ledig to vikariat som etterforskar ved Felles eining for etterforsking, førebygging og etterretning (FEFE). Eit av vikariata er for tida plassert på avsnitt for etterforsking av grov vald og seksuelle overgrep med varigheit ut juli 2026, og det andre vikariat er på avsnitt for etterforsking av økonomi- og miljøkriminalitet og har varigheit ut desember 2026. Det er moglegheit for forlenging på vikariata. Stadsplassering er Ålesund.

Stillingane som etterforskar på FEFE skal sikra stabilitet og kvalitet i etterforskingsarbeidet, og bidra til at Møre og Romsdal politidistrikt handterer sakene med den kvaliteten og effektivitet som krevst.

Arbeidsoppgåvene er givande og krevjanede som følgje av at ein ofte jobbar med menneske i krise , og ein må levera arbeid av høg kvalitet for å ta vare på rettstryggleiken.

Om du ønskjer å bli ein del av seksjonen vil vi gjerne høyre frå deg. Oppgi i søknaden kva avsnitt du ønskjer å jobbe på.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter deg som er motivert og interessert i etterforskingsfaget. Vi stiller høge krav til fagleg motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom handlingane sine i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• Etterforsking av straffesaker som høyrer inn under FEFE og ved behov bistå dei geografiske driftseiningane
• Sørgje for effektivitet og høg kvalitet i etterforskningsarbeidet
• Utarbeide etterforskingsplaner i politiet sitt prosjektstyringsverktøy, herunder identifisere aktuelle hypoteser i den enkelte sak
• Gjennomføre avhør og andre etterforskningsskritt i tråd med hypoteser og bevistema
• Delta i operative aksjonar i regi av eige avsnitt eller som bistand til andre avsnitt/einingar
• Bistå til at dei faglege oppgåvene som er tillagd avsnittet blir utført i samsvar med gjeldande lovar, reglar og instruksar
• Kan påleggast andre oppgåver 

Kvalifikasjonar

Dette må du ha for å vere kvalifisert:

• Fullført og bestått Politi(høg)skule. Vitnemål skal leggast ved. Karakterskjema skal fyllast ut og leggast ved søknaden, sjå https://www.politiet.no/sok/?SearchText=karakterskjema 
• God skriftleg og munnleg formidlings- og kommunikasjonsevne
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.

Det er også ønskjeleg med:

• Erfaring frå etterforsking utover PHS
• Vidareutdanning innan etterforsking 
• Erfaring og kompetanse på gjennomgang av digitale beslag
• Anna relevant utdanning/erfaring

Personlege eigenskapar

• Du har gode samarbeidsevner og er opptatt av å skape resultat i samhandling med andre
• Du er strukturert og systematisk i arbeidet ditt
• Du har høg arbeidskapasitet/gjennomføringsevne
• Du har gode kommunikasjonsevner og flink på relasjonsbygging
• Du er fleksibel og løysningsorientert

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ei utfordrande og spennande stilling i Møre og Romsdal politidistrikt
• Stillinga vert lønna som politibetjent 3/2/1 (SKO 1461/1459/1457).Tilsetting er avhengig av kompetanse, jf. Kompetansekriteriene for politibetjenter.
  • Politibetjent 3 - brutto årslønn frå kr. 620 000
  • Politibetjent 2 - brutto årslønn frå kr. 575 000
  • Politibetjent 1 - brutto årslønn frå kr. 530 000
• For særskilt kvalifiserte kandidatar kan stillingskode som politiførstebetjent eller politioverbetjent bli vurdert, jamfør lokale retningslinjer.
• Ved eventuell endring av tjenesteområde vert det gitt lønnsplassering etter gjeldande lønnsnivå for området
• Godtgjering etter gjeldande ATB på for tida 44 708 kr og tillegg for eventuell tunusteneste
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Det blir trekt to prosent frå løna til innskot i Statens pensjonskasse
• Mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.