Operativ instruktør ved seksjon for operative spesialfunksjoner

Om stillinga

I Vest politidistrikt, for tida ved Felles eining for operativ teneste (FOT), seksjon for operative spesialfunksjoner,  er det ledig fast stilling som politioverbetjent SKO 0287 med funksjon som operativ instruktør. 

Felles eining for operativ teneste er ei funksjonell driftseining i Vest politidistrikt. Eininga er organisert i Seksjon for operative tenester, Seksjon for arrest og framstilling, Seksjon for samfunnssikkerhet og beredskapskoordinering,  Seksjon for operative spesialfunksjoner og Seksjon for felles tenestekontor. Dei tilsette ved eininga har både politifagleg og sivil bakgrunn. Eininga har det overordna faglege ansvaret for politiet sine operative gjeremål i heile distriktet. 

Seksjon for operative spesialfunksjoner har tre avsnitt;  avsnitt for  UEH og instruksjon, avsnitt for instruksjon , trafikk, sjø og drone og avsnitt for hundeteneste.

Stillinga som operativ instruktør er  stadsplassert i Godvik.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å møte utfordringar knytt til kriminalitetsnedkjemping. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evna til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

 

Arbeidsoppgåver

• Planleggje, gjennomføre og evaluere instruksjonsverksemd i operative disiplinar, herunder oppfølgjing av innsatspersonell i alle kategoriar, og medarbeidarar i eigen seksjon
• Undervise ved Politihøgskulens lokale og sentrale operative kurs, herunder lokale TTJ/AOP-kurs
• Delta i operativ patruljeteneste for tida kvar tredje helg 
• Årleg PLIVO-samtrening med Brann- og helsevesenet
• Delta i politidistriktet sin IP-beredskap i treningssamanheng
• Ansvar for fagutvikling innan eige ansvarsområde, herunder spesialområder innanfor IP3
• Inngå i politidistriktet sin vakt- og beredskapsteneste 
• Andre oppgåver pålagt av overordna

Kvalifikasjonar

Dette må du ha for å vere kvalifisert:

• Vitnemål frå Politiskule/ Politihøgskule 
• Tilfredsstille kompetansekrava for pb3 og ha arbeidet innan relevant fagfelt i minimum 5 år. Ved anna relevant bachelor- eller mastergrad kan heile eller deler av kravet fråvikast 
• Brei politifagleg bakgrunn, erfaring med patruljeteneste, PPS og bruk av politiets digitale verktøy 
• Søkjar må være IP4-godkjend. 
• Gjennomført instruktørutdanning for operative disiplinar, eller villig til å gjennomføre denne 
• God munnleg og skriftleg framføring 
• Må kunne sikkerhetsklarerast for HEMMELEG 
• Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41.  

Det er også ønskjeleg med:

• Spesialutdanning innanfor skyting, AT og taktikk blir vektlagt 
• Erfaring frå opplæringsarbeid lokalt og sentralt blir vektlagt
• IP3 kompetanse blir vektlagt 
• Utdanning innan pedagogikk og/eller rettleiingspedagogikk er ein fordel 
• God kjennskap til seksjonen sine aktiviteter og ansvarsområder er ein fordel 
• God kunnskap om politidistriktets plan- og instruksverk er ein fordel
   

Personlege eigenskapar

• Evne til å arbeide og trivast i eit hektisk arbeidsmiljø
• Gode samarbeidsevner
• Evne til å arbeide sjølvstendig
• Initiativrik

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spennande arbeidsplass for deg som vil vera med på å forma framtidas politi. 
• Stillinga blir lønna som politioverbetjent  SKO 0287 frå kr. 775 000,- brutto pr år.
  • Vidare lønnsutvikling vil skje i henhold til hovudtariffavtalane i staten
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.