Rektor i Lesja og Dovre kulturskole og UKM-kontakt for Dovre kommune

Ved Lesja og Dovre kulturskole er det frå 01.08.2026 -- 01.08.2027 ledig 45 % vikariat som rektor, og 5 % som UKM-kontakt i Dovre kommune. Til saman 50% stilling.

Arbeidsoppgåver:

• Kulturfagleg, pedagogisk og administrativ leiing, med fag-, økonomi-, og personalansvar.

• Planarbeid og rapportering.

• Marknadsføring av kulturskulen, blant anna gjennom heimesider, Friskus og andre plattformer.

• Arrangementsleiing og produksjonsarbeid.

• Utviklingsarbeid og tverrfagleg samarbeid med andre tenester i kommunen, i tråd med kulturskulen sin rammeplan og lokalsamfunnet sitt behov.

• Deltaking i regionale-, fylkeskommunale-, og nasjonale samarbeid, blant anna i regi av Kulturskolerådet.

• UKM-kontakt for Dovre kommune.

Kompetansekrav

• Høgare relevant utdanning frå universitet eller høgskule, på minimum bachelornivå.

• Pedagogisk kompetanse.

• Evne til å uttrykke deg godt på norsk, både munnleg og skriftleg.

• Gode digitale dugleikar.

  
  

Kompetanseønske

• Leiarutdanning eller leiarerfaring.

• Erfaring frå undervising i kulturskulen.

• Kunnskap om kommunar og offentleg forvaltning.

Vi vil gjerne ha din søknad dersom du

• Er god til å samarbeide og har gode evner til kommunikasjon.

• Er positivt innstilt, er engasjert i kulturskule, er nyskapande og nytenkande.

• Innehar fagleg kunnskap om kulturskulefaget, og har vore aktiv sjølve innanfor kunst- og kulturfeltet.

• Ynskjer å utvikle Lesja og Dovre kulturskole i tråd med rammeplanen <<Kulturskole for alle>>.

Personleg høvelegheit vil bli tillagt stor vekt.
Søkar er nøydd til å ha førarkort klasse B.
Politiattest er påkravd ved tilsetjing.

Det er moglegheiter for auka stilling dersom søkar har kompetanse innanfor dansepedagogikk, då det vil bli ledig eit vikariat på 30 % som dansepedagog i same periode.

Kulturskulen si arbeidstid kan gå føre seg både på dagtid, kveldstid og på helg, og det forventast fleksibilitet med tanke på dette.

Vi tilbyr deg eit spennande, tverrfagleg og utviklande arbeidsområde, lønn etter avtale/tariff, pensjonsordning i KLP, bilgodtgjering og mobiltelefonordning. For øvrig gjeld vanlege kommunale tilsetjingsvilkår. Vi gjer deg også merksam på at Dovre kommune er i kommunegruppe 5, og er med i den nasjonale ordninga til Lånekassen som omhandlar sletting av studiegjeld.

Vi har om lag 130 elevar fordelt på danse- og musikktilbod mellom alderen 6 og 19 år. Vi tilbyr vekentleg undervising i tråd med grunnskulen sitt årshjul, i tillegg til at vi har fleire kortkurs i laupet av skuleåret og samarbeid med fleire lag og foreiningar.

Lesja og Dovre kulturskole er eit ressurssenter for kunst og kultur i kommunane våre, og eit viktig bidrag til det lokale kulturlivet. Difor er vi opptekne av å nå ut til også andre målgrupper enn vår kjernemålgruppe (1. trinn til 3. vgs.), som til dømes barnehagar og eldreheimar.

Vi arrangerer mange førestillingar, kurs og tilstellingar gjennom året, og ser på det som ei viktig kjelde til motivasjon og glede både for elevar og resten av lokalsamfunnet.

I Lesja og Dovre kulturskole er det tilsett ein rektor, ein kontorhjelp, og sju lærarar. Vi er ei samansveisa og ressurssterk gruppe som brenn for kulturskulen vår, og for å vidareutvikle kulturskulen til å bli den beste for innbyggjarane i Lesja og Dovre.

Nærare opplysingar får du ved å kontakte Martine Haugen, kulturskulerektor, på tlf. 975 95 638 eller e-post: martine.haugen@dovre.kommune.no eller Ingunn Korsen, oppvekstsjef, på tlf. 992 94 019 eller e-post: ingunn.korsen@dovre.kommune.no.

Kopiar av vitnemål og attestar ber vi om at du tar med på eit eventuelt intervju.

Vi gjer deg merksam på at namn på søkar kan bli offentleggjort sjølv om det blir bedt om reservasjon mot det, jamfør offentleglova §25. Søkarane vil i så fall bli varsla om dette på førehand.