BIM-koordinator

Eigedom og utbygging, seksjon for system og utvikling søkjer person som kan tre inn i stillinga som BIM-koordinator.

Avdelinga Eigedom og utbygging (EIU) i Vestland fylkeskommune har to hovudoppgåver – vere byggherre for alle bygg og eigedommar som Vestland fylkeskommune eig eller nyttar, og utbygging og idriftsetjing av Bybanen sin infrastruktur. Byggherrefunksjonen skal utøve profesjonell forvaltning, drift, vedlikehald og utvikling som sikrar at heile eigedomsmassen fyller lovpålagte krav, politiske vedtak og brukarbehov. Samla areal på eigedomsmassen er ca. 800.000 m² og omfattar mellom anna vidaregåande skular, tannklinikkar, kollektivanlegg og kultur- og administrasjonsbygg. Utbyggaransvaret for Bybanen sin infrastruktur omfattar planlegging, prosjektering, grunnerverv, utbygging og idriftsetjing av Bybanen sin infrastruktur i samsvar med politiske vedtak, gjeldande reguleringsplanar og tekniske spesifikasjonar. 

Seksjon for system og utvikling fasiliterer og legger til rette for digitalisering og forbetring av arbeidsprosessar og tenester i avdelinga. Vi identifiserer moglegheiter for kontinuerleg forbetring og utvikling i EIU på tvers av seksjonane, er ein støttefunksjon, kravstillar og fagleg rådgjevar innan FDV, BIM, digitalisering, HMS og kvalitet. Ansvar for oppfølging av SHA og seriøsitetskrav, revisjon og risikooppfølging i byggeprosjekta til Vestland fylkeskommune.

BIM-koordinator skal bistå seksjon Bybanen Utbygging (BU) i oppfølging av prosjekterande sine oppgåver i samsvar med arbeidsbeskrivelsen i prosjekteringskontraktane. Stillinga rapporterar fagleg til prosjekteringsleiar i BU og har nært samarbeid med fagansvarleg BIM og digitalisering. Personalansvaret ligger hos seksjonsleiar.

Arbeidsoppgåver

BIM-koordinator skal følgje opp og vidareutvikle BIM-strategi for bybaneprosjektet og leggje tilrette for vellukka modellbasert prosjektgjennomføring og dataflyt. Stillinga vil fungere som byggherren sin representant i møte med prosjekterande og utførande/entreprenør når det gjeld tema som BIM, geomatikk og dataflyt. BIM-koordinator har ansvar for å leie tverrfaglege møte med byggherre, prosjekterande og entreprenørar, og for å leggje til rette for BIM i kontraktar og kvalitetssystem, og utarbeide konkrete krav til detaljering i BIM på ulike stadier i prosjekteringa. Målsettinga er å utvikle eit standardisert BIM-rutineverk.

Stillinga skal i tillegg til generell hjelp med oppfølging av prosjekterande, ta i vare og vidareutvikle BU sine prosedyrar og system for bruk av BIM, slik at bybaneprosjektet og seksjonen får best mogleg nytte av moderne teknologi. Rolla er ei viktig bidragsytar for ei strategisk tilnærming til bruk av BIM når det gjelder bruk av nye verktøy og samhandling i kontraktene.

BIM-koordinator vil mellom anna:

• følge opp modelleveransar i prosjekteringskontraktene og ha jamleg oppfølging av kvaliteten av prosjektet sin innsynsmodell
• kontrollere kvaliteten på all modelldata som blir levert i prosjektene
• oppfølging av MMI-matrise i prosjektet og kontroll av at leverte modellar inneheld riktige eigenskapar og data i samsvar med framdrift og modenheit
• følgje opp leveransar av grunnlag og innmålinger, både utført fra BU, av ekstern rådgjevar og entreprenør
• rettleie om verktøy, metoder, krav og strukturar for BIM under prosessar for anskaffing, prosjektering, utbygging og forvaltning.
• gje opplæring til tilsette hos BU, og eksterne ressursar ved behov

Kvalifikasjonar

• Høgare relevant utdanning på minimum bachelor-nivå 
  (Anna dokumentert relevant realkompetanse kan erstatte utdanningskravet)
• Erfaring frå modellbasert prosjektgjennomføring og BIM
• Inngåande erfaring med praktisk bruk av Revit og ACC
• Forståing for korleis programvare integrerast med kvarandre gjennom bruk av API, filformat og direkte koblingar
• God digital kompetanse og erfaring
• Ønskjeleg med erfaring innan rådgjeving eller rettleiing
• Gode norsk og engelsk språkkunnskapar, skriftleg og munnleg

Personlege eigenskapar

Du kjenner deg igjen i verdiane våre som er open, kompetent og modig, og har: 

• gode kommunikasjons- og samarbeidsevner og positiv innstilling
• evne til å ta ansvar og arbeide sjølvstendig
• strukturert og systematisk tilnærming til oppgåvene, med evne til å planlegge, prioritere og koordinere
• god munnleg og skriftleg framstillingsevne, på norsk og engelsk
• høg etisk standard

Vi tilbyr

Hos oss blir du kjend i Vestland og arbeide med engasjerte og dyktige kolleger i heile fylket. I eigedom og utbygging får du: 

• ein meiningsfull og samfunnsnyttig arbeidskvardag
• eit triveleg arbeidsmiljø med mye latter og humor
• spanande og varierte oppgåver i eit tverrfagleg miljø, med høg fagleg kompetanse og stort engasjement
• løn etter avtale
• gode offentlege pensjons- og forsikringsordningar
• moglegheit for fagleg og personleg utvikling
• fleksibel arbeidstid og gode kontorfasilitetar
• Hjemmekontorordning

Arbeidsstad: Bergen

Kontaktinformasjon

Christina Jenny Brautaset, seksjonssjef, +47 41326604

Arbeidsstad

Lars Hilles gate 22
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5037038359
Stillingsprosent: 100%
Fast
Søknadsfrist: 25.11.2025