SHA-koordinator

Eigedom og utbygging, seksjon for system og utvikling søkjer person som kan tre inn i stillinga som SHA-koordinator.

Avdelinga Eigedom og utbygging (EIU) i Vestland fylkeskommune har to hovudoppgåver – vere byggherre for alle bygg og eigedommar som Vestland fylkeskommune eig eller nyttar, og utbygging og idriftsetjing av Bybanen sin infrastruktur. Byggherrefunksjonen skal utøve profesjonell forvaltning, drift, vedlikehald og utvikling som sikrar at heile eigedomsmassen fyller lovpålagte krav, politiske vedtak og brukarbehov. Samla areal på eigedomsmassen er ca. 800.000 m² og omfattar mellom anna vidaregåande skular, tannklinikkar, kollektivanlegg og kultur- og administrasjonsbygg. Utbyggaransvaret for Bybanen sin infrastruktur omfattar planlegging, prosjektering, grunnerverv, utbygging og idriftsetjing av Bybanen sin infrastruktur i samsvar med politiske vedtak, gjeldande reguleringsplanar og tekniske spesifikasjonar. 

Seksjon for system og utvikling fasiliterer og legger til rette for digitalisering og forbetring av arbeidsprosessar og tenester i avdelinga. Vi identifiserer moglegheiter for kontinuerleg forbetring og utvikling i EIU på tvers av seksjonane, er ein støttefunksjon, kravstillar og fagleg rådgjevar innan FDV, BIM, digitalisering, HMS og kvalitet. Seksjonen har fagansvar for oppfølging av SHA og seriøsitetskrav, revisjon og risikooppfølging i byggeprosjekta til Vestland fylkeskommune.

Stillinga rapporterer fagleg til Fagansvarleg HMS og kvalitet, og vil samarbeide nært med HMSK-rådgjevar i seksjonen. Personalansvaret ligg til seksjonsleiar.

Arbeidsoppgåver

Stillinga som SHA-koordinator er eit viktig bidrag til avdeling eigedom og utbygging sitt arbeid med sikkerheit, helse og arbeidsmiljø (SHA) i vedlikehalds- og byggeprosjekt. SHA-koordinator skal syte for å følgje opp EIU sitt ansvar som byggherre etter byggherreforskrifta.

SHA-koordinator skal, i samråd med oppdragsgjevar for bygge- eller vedlikehaldsprosjektet, syte for at det blir peika ut koordinator utførande (KU) i prosjekt som faller inn under byggherreforskrifta sine krav til koordinering, anten ved at hen sjølv tek på seg rolla; at rolla blir gjeven til ein kvalifisert person i prosjektgruppa, eller ved å engasjere ekstern KU gjennom ein av våre rammeavtalar.

I arbeidet som SHA-koordinator er gode ferdigheiter innan kommunikasjon og rettleiing ei nøkkel til å få til samstemte løysingar med leverandørar og ei felles forståing for sikre arbeidsoperasjonar og ansvarleg oppfølging av SHA. SHA-koordinator vil i hovudsak ha arbeidsoppgåver som koordinator utførande knytt til vedlikehalds- og ombyggingsprosjekt som blir sett i verk hjå seksjon for drift og vedlikehald eller seksjon for utbygging. Stillinga vil også hjelpe seksjon for bybanen utbygging ved behov for koordinator. Stillinga kan bli tillagt andre oppgåver innen HMS-oppfylging og tilgrensande arbeidsområder dersom det blir naudsynt.

Kvalifikasjonar

• Minimum fagbrev eller tilsvarande innan bygge- eller anleggsteknikkfag, men helst bachelorgrad innan relevante fag
  (anna dokumentert relevant realkompetanse kan erstatte utdanningskravet)
  
• Minimum 2 års samanhengande erfaring frå relevant SHA/HMS-arbeid på vedlikehalds-, bygge-, eller anleggsprosjekt
• Erfaring som SHA-koordinator og god kunnskap i byggherreforskrifta og byggherren sitt ansvar og plikter
• Koordinatorskolen og 40-timers HMS-kurs etter gjeldande byggherreforskrift
• God kjennskap og praktisk bruk av IT-verktøy som Office365-platformen. Teams og sharepoint nyttast i samhandling
• Ønskjeleg med kurs innan risikovurdering og kunnskap om bruk av HMSREG i oppfylging av bygge- og anleggsprosjekt

 

Personlege eigenskapar

Du kjenner deg igjen i verdiane våre som er open, kompetent og modig, og har: 

• gode kommunikasjons- og samarbeidsevner og positiv innstilling
• evne til å ta ansvar og arbeide sjølvstendig
• gode pedagogiske evner
• strukturert og systematisk tilnærming til oppgåvene, med evne til å planlegge, prioritere og koordinere
• god munnleg og skriftleg framstillingsevne, på norsk og engelsk
• høg etisk standard

Vi tilbyr

Hos oss blir du kjend i Vestland og arbeide med engasjerte og dyktige kolleger i heile fylket! I eigedom og utbygging får du: 

• ein meiningsfull og samfunnsnyttig arbeidskvardag
• eit triveleg arbeidsmiljø med mye latter og humor
• spanande og varierte oppgåver i eit tverrfagleg miljø, med høg fagleg kompetanse og stort engasjement
  
• løn etter avtale
• gode offentlege pensjons- og forsikringsordningar
• fleksibel arbeidstid og gode kontorfasilitetar

 

Kontaktinformasjon

Christina Jenny Brautaset, seksjonsleiar, +47 41326604

Arbeidsstad

Lars Hilles gate
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5026445749
Stillingsprosent: 100%
Fast
Søknadsfrist: 24.11.2025