Fagleiar vatn, avløp og overvatn

Har du lyst på utfordrande arbeidsoppgåver i verdas beste vesle Stad? Vi søkjer etter ein ny, engasjert fagleiar for vatn, avløp og overvatn (VAO).

Kommunalteknikk er ei eining under kommunalområdet Kultur og samfunn i Stad kommune, saman med eigedom, kultur, pan og forvaltning og brann. Eininga har ansvaret for offentleg infrastruktur i kommunen. Vi skal drifte og vedlikehalde kommunalt vegnett, parkanlegg, hamn, kommunaltekniske anlegg og infrastruktur knytt til vassforsyning, avløp og overvasshandtering.  Vi gjennomfører små og store kommunaltekniske investeringsprosjekt og driftsprosjekt.

Kommunalteknikk har totalansvar for planlegging, utbygging, forvaltning, drift og vedlikehald av alle kommunale vatn- og avløpsanlegg i Stad kommune. Kommunalteknisk drift er delt inn i to grupper - Driftsgruppe vegdrift og park, og Driftsgruppe vatn, avløp og overvatn (VAO).

Driftsgruppe VAO har ansvar for drift og vedlikehald av eit transportsystem med 350 km VAO ledningsnett. Vi har 9 vassverk, 12 høgdebasseng, 16 små og store renseanlegg for avløp, og 34 pumpestasjonar for avløp. 

Driftsgruppe VAO har til saman 10 tilsette per i dag. Stillinga som fagleiar VAO går inn i dette teamet. Som fagleiar vil du ha det overordna faglege ansvaret for VAO, der du vil spele ei sentral rolle i styringa og utviklinga av fagområda. Vi ser etter ein engasjert og fagleg sterk fagleiar som kan vere ein nøkkelperson i utviklinga av trygge, berekraftige vass- og avløpstenester for innbyggjarane våre. Dette er ei sentral rolle i verksemda, der du får eit stort ansvar, høg påverknad og tette samarbeid med både interne og eksterne aktørar.

Stad kommune har vedteke tre temaplanar for vatn, avløp og overvatn for perioden 2022-2034, med mange nødvendige investeringar i planperioden. Vi skal gjennomføre både store og små drifts- og investeringsprosjekt framover. Det skal mellom anna byggjast eit nytt reinseanlegg på Nordfjordeid, og i Selje, nye høgdebasseng, samt ledningsfornying. 

Arbeidsoppgåver

• Fagleg ansvar for vatn, avløp og overvatn
• Sikre at kommunen følgjer lover, forskrifter og bransjestandarder innan fagområda VAO
• Planleggje, utvikle og drifte kommunal VAO infrastruktur
• Bistå i budsjettarbeid, investeringsplanlegging og rapportering knytt til fagområda VAO
• Samarbeide tett med plan og forvaltning, entreprenørar og konsulentar
  
• Teknisk støtte til større investeringsprosjekt VAO
• Leie og delta i driftsprosjekt VAO
• Rettleie og støtte kollegaer innan fagområda VAO
• Bidra til å utvikle gode rutinar, og system på fagområda VAO
  
• Tett samarbeid med driftsleiar VAO.
  
• Andre arbeidsoppgåver kan påreknast.
  

Kvalifikasjonar

• Ingeniør- eller sivilingeniørutdanning innan VA, miljø, bygg eller liknande
  
• Erfaring frå VA-drift, prosjektering eller prosjektleiing
• God kjennskap til relevante lover og forskrifter
• Erfaring frå offentleg forvaltning er eit pluss, men ikkje eit krav
• God skriftleg og munnleg framstillingsevne
• Ønskeleg med relevant fagkompetanse og erfaring innan vatn og avløp og overvatn
• Ønskeleg med praktisk kunnskap og erfaring frå VA anlegg; vassverk, ledningsnett, renseanlegg, pumpestasjonar.
  
• Ønskeleg med erfaring frå Gemini Portal, GIS, Civil 3D, Vardak, Autocad
  
• Ønskeleg med erfaring fra Microsoft office, Power Apps
• Førarkort klasse B er eit krav.
  

Personlege eigenskapar

• Tek initiativ og har god gjennomføringsevne
• Likar å jobbe både sjølvstendig og i team
• Har evne til å sjå heilskap og tenkje langsiktig
• Du er oppteken av helse, miljø og sikkerhet
• Du er praktisk og løysningsorientert
• Du er god på samarbeid og kan ta eit sjølvstendig ansvar
• Du trivst med å lære nye ting og er kvalitetsbevisst
• Du har gode kommunikasjonsevner

Vi tilbyr

• Ei spennande og utfordrande stilling i ein framoverlent kommune som satsar på utvikling og innovasjon.
• Moglegheit til å gjere ein reell forskjell for lokalsamfunnet ved å bidra til ei trygg og effektiv tenesteyting
• Eit godt og triveleg arbeidsmiljø med dyktige og engasjerte kollegaer
• Fleksibel arbeidstid og gode pensjons- og forsikringsordningar
• Løn etter avtale

Kontaktinformasjon

Hilde Hovden, einingsleiar kommunalteknikk, 92612855
Astrid Fossheim Paulsen, kommunalsjef kultur og samfunn, 48116806

Arbeidsstad

Rådhusvegen 11
6770 Nordfjordeid

Nøkkelinformasjon:

Arbeidsgivar: Stad kommune

Referansenr.: 5082796805
Stillingsprosent: 100%
Fast
Søknadsfrist: 12.04.2026