Miljøterapeut i langvaktsturnus

Er du vernepleiar eller sjukepleiar og har ein genuin interesse for å vera til hjelp i kvardagen til andre? 

Kan du i tillegg brilijera med arbeidserfaring innanfor habilitering? Då ynskjer me at du søkjer stilling hjå oss!

Askebærhaugen/Haugen har ledig ei fast stilling som miljøterapeut i årsturnus med langvakter.

Habiliteringstenesta i Bømlo kommune gjev tilbod til personar med utviklingshemming og behov for omfattande og langvarige tenester. Me utgjer omlag 126 årsverk som yt heildøgns tenester til 45 personar i 10 bufellesskap/burettslag, samt dagtilbod. Me har behov for positive og fleksible medarbeidarar.

Oppstart etter avtale.

Arbeidsoppgåver

• Yta praktisk bistand og rettleiing i dei daglege gjeremåla og leggje til rette for god omsorg og utvikling for den einskilde tenestemottakar.
• Ansvarleg for kartlegging, tiltaksplanar, vedtak, journalføring og dokumentasjon i profil. 
• Medikamenthandtering.
• Oppfyljing og rettleiing vedrørande Helse- og omsorgstenestelova kap. 9 og Pasient- og brukerrettighetslova kap. 4.
• I samarbeid med avdelingsleiar koordinera den daglege drifta, samt bidra til utvikling av tenesta.
• Internt samarbeid i tenesta, samarbeid med ulike instansar, samt verje/pårørande.
• Delegerte arbeidsoppgåver frå avdelingsleiar.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Autorisert vernepleiar eller sjukepleiar. Søkjarar med helse, sosialfagleg eller pedagogisk utdanning på bachelornivå kan bli vurdert. 
• Svært god norskkunnskap, både skriftleg og munnleg.
• Norskkunnskapar tilsvarande nasjonal norskprøve på nivå B2 for universitet/høgskuleutdanna. 
• Førarkort klasse B.

Det er krav om gyldig politiattest for teneste hjå personar med utviklingshemming jfr. Hol §5-4 a.

Det er ønskeleg at du har: 

• Arbeidserfaring med mennesker med ulike funksjonsvariasjonar. 
• Arbeidserfaring med systematisk og målretta miljøarbeid, samt habilitering.
• Kunnskap om Helse- og omsorgstenestelova kap. 9, samt Pasient- og brukerrettighetslova kap. 4.
• Erfaring og kompetanse i handtering av digitale system som Profil og Visma ressurstyring. 

Personlege eigenskapar

• Du er imøtekomande, omgjengeleg og serviceinnstilt.
• Du er sjølvstendig, men arbeider òg godt i team.
• Du er uredd og kan stå i krevjande situasjonar over tid.
• Du trivs i ein variert arbeidskvardag med høg aktivitet. 
• Du har god tilpassingsevne og ser løysingar før avgrensing.
• Du bidrar til å skapa eit godt arbeidsmiljø.
  

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Medlemskap med tilsettegoder i velferdsklubben.

Andre opplysningar:

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. For denne stillinga oppmodar me spesielt menn til å søkje.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med avdelingsleiar.

 

Kontaktinformasjon

Sandra Hastrup Thorsheim, Avdelingsleiar, 45970897, thorsheim@bomlo.kommune.no

Arbeidsstad

Kyrkjevegen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5011764244
Stillingsprosent: 100%
Fast
Søknadsfrist: 23.11.2025