Stipendiat i klinisk vaksenpsykologi – sosial tryggleik ved behandling av ruslidingar

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søknadsprosessen her. 

Video: https://youtu.be/Xt-yHCN5QS0

Om stillingen

Er du motivert for å ta steget mot ei doktorgrad og opna opp for spennande karrieremoglegheiter? Som stipendiat hos oss, vil du jobba for å oppnå doktorgrada di, og samtidig opparbeida deg verdifull erfaring som kvalifiserer til vidare karriere innan høgare utdanning og forsking, i og utanfor akademia.

Din næraste leiar er fageiningsleiar.

Om prosjektet

Me lyser ut ei 3-årig stilling som 100% ph.d.-stipendiat ved Institutt for psykologi med oppstartdato seinast 01.06.2026. Ph.d.-prosjektet skal undersøkja kva betydning sosial tryggleik har i behandling av ruslidingar, og korleis behandlinga kan framme sosial tryggleik. Stipendiaten vil ha tilgang til eit stort datamateriale frå den naturalistiske, longitudinelle multisenterstudien FRAM, der pasientar i tverrfagleg spesialisert rusbehandling i Helse Midt-Noreg har svart på spørsmål om sosial tryggleik og eit stort batteri av andre variablar fleire gonger gjennom behandlingsforløpet.

Ta gjerne kontakt med heidi.brattland@ntnu.no for å få tilsendt prosjektbeskriving for studien. Ph.d..-prosjektet er finansiert av Damstiftelsen.

Arbeidsoppgåver

• Arbeidsoppgåver
• fullføra doktorgradsutdanninga fram til oppnådd doktorgrad
• gjennomføra forsking av god kvalitet og innanfor rammene av prosjektbeskrivinga
• akademiske publiseringar og populærvitskapleg formidling
• delta i forskingsgruppa FRAM 
• delta i internasjonale aktivitetar som deltaking på konferansar og forskingsopphald ved utanlandsk lærestad

Ver førebudd på at det etter tilsetjing kan skje endringar i arbeidsoppgåvene dine.

Kvalifikasjonskrav

• mastergrad innan helse- og sosialfag eller tilsvarende. Utdanningsløpet ditt må tilsvare et femårig norsk studium, der 120 studiepoeng er oppnådd på masternivå. masterstudentar kan søkja, men mastergrada må vera oppnådd og dokumentert innan oppstart i stillinga
• ein sterk fagleg bakgrunn frå det tidlegare studiet ditt, og ha ein gjennomsnittskarakter frå mastergradstudiet, eller tilsvarande utdanning, som er lik B eller betre sameint med NTNUs karakterskala. Dersom du ikkje har bokstavkarakterar frå tidlegare studium, skal du ha eit like godt fagleg grunnlag. Dersom du har svakare karakterbakgrunn vil du kunna bli vurdert dersom du kan dokumentera at du er særskild eigna til ein ph.d.-utdanning
• du må oppfylla krava til opptak på doktorgradsprogrammet til fakultetet
• gode munnlege og skriftlege ferdigheiter i norsk og engelsk

Me viser til Forskrift til universitets- og høgskulelova (universitets- og høgskuleforskrifta) og Forskrift for gradene philosophiae doctor (ph.d.) og philosophiae doctor (ph.d.) i kunstnarisk utviklingsarbeid ved Noregs teknisk–naturvitskapleg universitet (NTNU) for generelle kriterium for stillinga.

Ønskte kvalifikasjonar

• relevant yrkesrøynsle frå behandling av ruslidingar og/eller psykiske lidingar
• erfaring med skriftleg fagleg formidling
• interesse for og kunnskap om kvantitative forskingsmetodar

Personlige egenskaper

For å fullføra ei doktorgrad (ph.d.), er det viktig at du er i stand til å:

• samarbeide godt med andre, men også kunne arbeida sjølvstendig og målretta
• ha god gjennomføringsevne og motivasjon for ein ph.d..-utdanning
• engasjera deg og bidra konstruktivt med tilbakemeldingar
• presentera og diskutera forskinga di med andre fagpersonar
• vera fleksibel og open for å justera plan for prosjektet etter behov

Personlig egnethet vil bli vektlagt.

Vi tilbyr

• ein spennande jobb med eit viktig samfunnsoppdrag
• utviklande oppgåver i eit sterkt og internasjonalt fagmiljø
• karriererettleiing og oppfølging undervegs i doktorgradsperioden
• ope og inkluderande arbeidsmiljø med engasjerte kollegaer
• driftsmiddel som kan brukast til å gjennomføra prosjektet
• fadderordning som nytilsett ved NTNU
• gunstige vilkår i Statens pensjonskasse

Som stipendiat ved NTNU, får du tilgang på ansattgoder.

Mangfold

Mangfald er ein styrke, og ved NTNU har me eit mål om å vera ein arbeidsgivar som speglar mangfaldet i samfunnet og som tek i bruk potensialet i dei samla kompetansane til befolkninga. Visjonen vår er Kunnskap for ei betre verd og våre verdiar er kreative, kritisk, konstruktiv og respektfulle. Me har tru på at ei verksemd som er likestilt, mangfaldig og kjønnsbalansert er avgjerande for at me saman når måla våre.

Me ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning.

Om du synest denne stillinga er relevant og interessant, oppmodar me deg til å søkja, uavhengig av kjønn, funksjonsevne og kulturell bakgrunn, eller om du i ein periode har vore utanfor arbeidslivet.

Lønn og vilkår

I stillinga som stipendiat kode 1017 vil lønna di normalt vera brutto kr 550 800,- pr. år avhengig av kvalifikasjonar og ansiennitet. Frå lønna blir trekt 2 % lovfesta innskot til Statens pensjonskasse.

Tilsetjingsperioden er 3 år.

For tilsetjing i stipendiatstilling er det ein føresetnad at du får opptak til ph.d.-programmet innan Samfunnsvitskap-fagretning psykologi innan tre månader etter oppstart, og at du deltek i eit organisert doktorgradsstudium innanfor tilsetjingsperioden.

Som tilsett ved NTNU er det viktig at du held deg oppdatert på faglege og organisatoriske endringar og tilpassa deg desse.
For nødvendig samhandling fagleg og sosialt er det ein føresetnad at du er fysisk til stades og tilgjengeleg for institusjonen på dagleg basis.

Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Kandidatar som etter vurdering av søknad og vedlegg blir rekna for å komma i konflikt med kriteria i sistnemnde lov, vil ikkje kunna bli tilsett.

Om søknaden

Søknad og vedlegg, (inkl. beskriving av det vitskaplege arbeidet ditt) må følgja søknaden då desse blir lagde til grunn for vurderinga. Dokumenta må vera på norsk.
Me gjer merksame på at søknaden berre blir vurdert ut frå den informasjonen me har ved søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. Dersom det er relevant, ber me deg
gje opp på kva måte du har brukt KI då du skreiv jobbsøknaden din. Søknaden og alle vedlegg blir sende elektronisk via Jobbnorge.no. Dersom du blir invitert til intervju, må du ta med stadfesta kopiar av attestar og vitnemål ved førespurnad.

Søknaden må innehalda:

• karakterutskrifter og vitnemål for cand. psychol., cand. med. eller mastergrad
• CV
• kopi av hovudoppgåve eller masteroppgåve. Om du nyleg har levert masteroppgåva, kan du leggja ved eit utkast av oppgåva. Dokumentasjon av fullført mastergrad må leggjast fram før tiltreding i stillinga.
• Kort søknadsbrev som utdjupar motivasjonen din for stillinga (400 ord/1 side)
• Publikasjonar eller anna relevant forskingsarbeid dersom du har det
• Relevante attestar for ph.d.-stillinga
• Namn og kontaktinformasjon til tre relevante referansar

Dersom heile eller delar av utdanninga di er tekne i utlandet, skal du leggja ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til ev. anna høgare utdanning. Dersom institusjonen din tilbyr «diploma supplement» (vanleg for dei fleste europeiske lærestader), så legg ved dette. Beskriving av annan dokumentasjon som er nødvendig finn du  her. Dersom du har ei fråsegn frå HK-dir, skal du leggja ved henne òg.

Me tek omsyn til arbeid du har gjort saman med andre. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din.

Ved vurdering av den best kvalifiserte, legg me vekt på nødvendige kvalifikasjonar som utdanning, erfaring, og dessutan personlege eigenskapar. Motivasjon for stillinga, ambisjonar og potensial for forsking vil også telja ved vurdering av kandidatane.

NTNU anerkjenner stor breidd av faglege bidrag og har forplikta oss The San Francisco DeclarationonResearch Assessment og forpliktingane i CoARA (ansvarleg vurdering av forsking og anerkjenning av ei større breidd av faglege bidrag i samsvar med NTNUs samfunnsoppdrag).

Generell informasjon

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje.
Dersom du synest stillinga ser interessant ut og i tråd med kvalifikasjonane dine er du velkommen til å søkja.

Om du har spørsmål om stillinga kan du ta kontakt med Heidi Brattland, tlf. +47 73413207, e-post heidi.brattland@ntnu.no. Hvis du har spørsmål om ansettelsesprosessen kan du ta kontakt med Ina Grønbech Halvorsen, e-post: Ina.g.halvorsen@ntnu.no

Søknadsfrist: 18.01.2026

 

Trondheim er en moderne europeisk by med en rik kulturscene. Trondheim er Norges teknologihovedstad med en befolkning over 200 000. Den norske velferdsstaten, inkludert helsevesen, skoler, barnehager og generell likestilling, er sannsynligvis den beste i sitt slag i verden. Profesjonell subsidiert barnepass er lett tilgjengelig. Videre tilbyr Trondheim gode utdanningsmuligheter (inkludert internasjonale skoler) og muligheter til å nyte natur, kultur og familieliv, og har lav kriminalitet og ren luftkvalitet.