Stipendiat i vaksenpsykologi

Dette er NTNU

NTNU er et breddeuniversitet med en teknisk-naturvitenskapelig hovedprofil og et tyngdepunkt innen profesjonsutdanning. Universitetet er lokalisert i tre byer med hovedsete i Trondheim.

På NTNU jobber 9 000 ansatte og 43 000 studenter med å skape kunnskap for en bedre verden.

Du finner mer informasjon om NTNU som arbeidsplass og søknadsprosessen her. 

Video: https://youtu.be/Xt-yHCN5QS0

Om stillinga

Vil du bidra til å forma framtidas psykiske helsetenester? Som ph.d.-stipendiat blir du ein del av eit større forskingsprosjekt som undersøkjer kva som er knytt til auka livskvalitet for pasientar som får psykisk helsehjelp, og dessutan undersøkja korleis helseressursane kan brukast mest effektivt. I stipendiatstillinga vil du analysera eit datamateriale som inneheld pasientrapporterte data og nasjonale register. Prosjektet vil gi ny kunnskap om livskvalitet etter behandling, kostnadseffektivitet i psykisk helsetenester, og endringar i helsetenestebruk hos pasientar. 

Hos oss blir du del av eit engasjert og inkluderande forskingsmiljø i ei forskingsgruppe med høg kompetanse og lang erfaring innan psykisk helseforsking. Me tilbyr tett fagleg rettleiing, gode moglegheiter for internasjonalt samarbeid og konferansedeltaking, og eit arbeidsmiljø som legg til rette for personleg og fagleg utvikling. Dette er ein god sjanse til å byggja ein solid forskarkarriere i eit felt med stor betydning for samfunnet.

Er du motivert for å ta steget mot ei doktorgrad og opna opp for spennande karrieremoglegheiter? Som stipendiat hos oss, vil du jobba for å oppnå doktorgrada di, og samtidig opparbeida deg verdifull erfaring som kvalifiserer til vidare karriere innan høgare utdanning og forsking, i og utanfor akademia.

Din næraste leiar vil vera nestleiar forsking ved IPS.

Om prosjektet

Prosjektet “Systematisk kvalitetssikring av helsetenester i primær- og spesialisthelsetenesta” er eit samarbeidsprosjekt mellom NTNU, St. Olavs hospital og Trondheim kommune. I prosjektet undersøkjer me effekten av behandling i offentlege psykisk helsetenester. Datamaterialet består av ein kombinasjon mellom pasienten sine eigne tilbakemeldingar om endring i symptom, funksjon og livskvalitet, og data frå helseregister som sjukmeldingsdata, bruk av helsetenester og bruk av medikament. Data frå prosjektet inngår i fleire avlagde doktorgrader.

Arbeidsoppgåver

• Fullføra doktorgradsutdanninga fram til oppnådd doktorgrad 
• Gjennomføra forsking av god kvalitet  
• Akademiske publiseringar og populærvitskapleg formidling 
• Delta i forskingsgruppa MENTOR   
• Delta i internasjonale aktivitetar som deltaking på konferansar og/eller forskingsopphald ved utanlandske lærestader

Ver førebudd på at det etter tilsetjing kan skje endringar i arbeidsoppgåvene dine.

Kvalifikasjonskrav

• Du må ha cand. Psychol, eller relevant mastergrad innan psykologi eller tilsvarande fagfelt. Utdanningsløpet ditt må minimum svara til eit femårig norsk studium, der 120 studiepoeng er oppnådde på masternivå
• Masterstudentar kan søkja, men mastergrada må vera oppnådd og dokumentert innan oppstart i stillinga 
• Du må ha ein sterk fagleg bakgrunn frå det tidlegare studiet ditt, og ha ein gjennomsnittskarakter frå mastergradstudiet, eller tilsvarande utdanning, som er lik B eller betre sameint med NTNUs karakterskala. Dersom du ikkje har bokstavkarakterar frå tidlegare studium, skal du ha eit like godt fagleg grunnlag. Dersom du har svakare karakterbakgrunn vil du kunna bli vurdert dersom du kan dokumentera at du er særskild eigna til ein ph.d.-utdanning
• Du må vere flytande i eit skandinavisk språk, munnleg og skriftleg
• Du må oppfylla krava til opptak på doktorgradsprogrammet til fakultetet

Me viser til NTNUs retningslinjer for rekrutteringsstillingar og Forskrift for gradene philosophiae doctor (ph.d.) og philosophiae doctor (ph.d.) i kunstnarisk utviklingsarbeid ved Noregs teknisk–naturvitskapleg universitet (NTNU) for generelle kriterium for stillinga.

Ønskte kvalifikasjonar

• Erfaring med eller interesse for kvantitativ metode
• Erfaring med eller interesse for klinisk behandlingsforsking
   

Personlege eigenskapar

For å fullføra ei doktorgrad (ph.d.), er det viktig at du er i stand til å: 

• Arbeid sjølvstendig
• Jobba strukturert, setja mål og laga planar for å nå dei
• Presentera og diskutera forskinga di med andre fagpersonar
• Engasjera deg og bidra konstruktivt med tilbakemeldingar
• Analysera data, vurdera ulike perspektiv og trekkja velgrunna konklusjonar
• Vera fleksibel og open for å justera plan for prosjektet etter behov

Personlege eigenskapar vil bli vektlagt.

Vi tilbyr

• ein spennande jobb med et viktig samfunnsoppdrag
• Utviklande oppgåver i eit sterkt og internasjonalt fagmiljø
• karriereveileiing og oppfølging undervegs i doktorgradsperioden
• Ope og inkluderande arbeidsmiljø med engasjerte kollegaer
• driftsmiddel som kan brukes til å gjennomføra prosjektet
• fadderordning som ny tilsett ved NTNU
• gunstige vilkår i Statens pensjonskasse

Du blir tilsett som stipendiat ved NTNU og får tilgang på tilsettgoder.

Mangfold

Mangfald er ein styrke, og ved NTNU har me eit mål om å vera ein arbeidsgivar som speglar mangfaldet i samfunnet og som tek i bruk potensialet i dei samla kompetansane til befolkninga. Visjonen vår er Kunnskap for ei betre verd og våre verdiar er kreative, kritisk, konstruktiv og respektfull. Me har tru på at ei verksemd som er likestilt, mangfaldig og kjønnsbalansert er avgjerande for at me saman når måla våre.  
Me ønskjer medarbeidarar med ulike kompetansar, fagkombinasjonar, livserfaringar og perspektiv for å bidra til endå betre oppgåveløysing av samfunnsoppdraget vårt innan forsking og utdanning.

Om du synest denne stillinga er relevant og interessant, oppmodar me deg til å søkja, uavhengig av kjønn, funksjonsevne og kulturell bakgrunn, eller om du i ein periode har vore utanfor arbeidslivet.

Lønn og vilkår

I stillinga som stipendiat kode 1017 vil løna di normalt vera brutto kr 550 800,- pr. år avhengig av kvalifikasjonar og ansiennitet. Frå lønna blir 2 % lovfesta innskot trekte til Statens pensjonskasse. 

Tilsetjingsperioden er 3 år. 

For tilsetjing i stipendiatstilling er det ein føresetnad at du får opptak til ph.d.-programmet innan psykologi innan tre månader etter oppstart, og at du deltek i eit organisert doktorgradsstudium innanfor tilsetjingsperioden.
Som tilsett ved NTNU er det viktig at du held deg oppdatert på faglege og organisatoriske endringar og tilpassar deg desse.
For nødvendig samhandling fagleg og sosialt er det ein føresetnad at du er fysisk til stades og tilgjengeleg for institusjonen på dagleg basis.
Tilsetjinga blir gjennomført etter prinsippa i statstilsettelova, og lovverk som regulerer eksport av kunnskap, teknologi og tenester. Kandidatar som etter vurdering av søknad og vedlegg blir rekna for å komma i konflikt med kriteria i sistnemnde lov, vil ikkje kunna bli tilsett.

Om søknaden

Søknad og vedlegg, (inkl. beskriving av det vitskaplege arbeidet ditt) må følgja søknaden då desse blir lagde til grunn for vurderinga. Dokumenta må vera på norsk/skandinavisk eller engelsk.
Me gjer merksame på at søknaden berre blir vurdert ut frå den informasjonen me har ved søknadsfristen. Sørg derfor for at søknaden din tydeleg viser korleis ferdigheitene og erfaringane dine oppfyller kriteria som er beskrivne over. Søknaden og alle vedlegg blir sende elektronisk via Jobbnorge.no. Dersom du blir invitert til intervju, må du ta med stadfesta kopiar av attestar og vitnemål ved førespurnad.

 Søknaden må innehalda:

• Karakterutskrifter og vitnemål for bachelor- og mastergrad 
• CV 
• Kopi av masteroppgåva. Om du nyleg har levert masteroppgåva, kan du leggja ved den innleverte versjonen av oppgåva. Dokumentasjon av fullført mastergrad må leggjast fram før tiltreding i stillinga
• Kort motivasjonsbrev (400 ord/1 side)
• ev. publikasjonar el. anna relevant forskingsarbeid
• ev. attestar
• Namn og kontaktinformasjon til tre relevante referansar

Dersom heile eller delar av utdanninga di er tekne i utlandet, skal det leggjast ved dokumentasjon på omfang og kvalitet for heile utdanningsløpet ditt, både bachelor- og masterutdanning, i tillegg til ev. anna høgare utdanning. Dersom institusjonen din tilbyr «diploma supplement» (vanleg for dei fleste europeiske lærestader), skal dette leggast ved. Beskriving av annan dokumentasjon som er nødvendig finn du her. Dersom du har ei fråsegn frå HK-dir, skal du leggja ved denne òg.
Me tek omsyn til arbeid du har gjort saman med andre. Dersom det er vanskeleg å identifisera innsatsen din i fellesarbeida, må du leggja ved ei kort forklaring for medverknaden din.

Ved vurdering av den best kvalifiserte, legg me vekt på nødvendige kvalifikasjonar som utdanning, erfaring, og dessutan personlege eigenskapar. Motivasjon for stillinga, ambisjonar og potensial for forsking vil også telja ved vurdering av kandidatane.
NTNU anerkjenner stor breidd av faglege bidrag og har forplikta oss The San Francisco Declaration on Research Assessment og forpliktingane i CoARA (ansvarleg vurdering av forsking og anerkjenning av ei større breidd av faglege bidrag i samsvar med NTNUs samfunnsoppdrag).

Generell informasjon

Offentleg søkjarliste med namn, alder, stillingstittel og bustadkommune blir utarbeidd etter utløpet av søknadsfristen. Dersom du ønskjer å reservera deg frå oppføring på offentleg søkjarliste må dette grunngjevast. Vurdering vil bli gjord i samsvar med gjeldande lovverk. Du vil bli varsla om reservasjon ikkje blir teken til følgje.

Om du har spørsmål om stillinga kan du ta kontakt med Audun Havnen, tlf. 99455923, e-post audun.havnen@ntnu.no

Om du har spørsmål om tilsetjingsprosessen kan du ta kontakt med Ina Grønbech Halvorsen, e-post: ina.g.halvorsen@ntnu.no

Søknadsfrist: 22.03.2026

 

For praktisk informasjon om det å jobbe ved NTNU, vennligst se denne siden.

Trondheim er en moderne europeisk by med en rik kulturscene. Trondheim er Norges teknologihovedstad med en befolkning over 200 000. Den norske velferdsstaten, inkludert helsevesen, skoler, barnehager og generell likestilling, er sannsynligvis den beste i sitt slag i verden. Profesjonell subsidiert barnepass er lett tilgjengelig. Videre tilbyr Trondheim gode utdanningsmuligheter (inkludert internasjonale skoler) og muligheter til å nyte natur, kultur og familieliv, og har lav kriminalitet og ren luftkvalitet.