Helsefagarbeider - 18,98 -50,27 % helg

Vil du ha ein meiningsfull jobb?
Me på Norheimstunet søkjer engasjerte og omsorgsfulle medarbeidarar. Me har ei fast helgestilling, og fleire vikariat både med og utan helg. Det er òg mogleg å kombinere stillingane med andre jobbar. Helgestillingane passar særleg godt for deg som vil jobbe ved sidan av studiar eller anna arbeid.

Norheimstunet er ein omsorgsbustad for personar med nedsett funksjonsevne. Her får bebuarane helse- og omsorgstenester ut frå eigne behov og vedtak. Me har sjukepleiarar, helsefagarbeidarar og assistentar i turnus, og me samarbeider tett med lege og andre fagpersonar i kommunen. Tenestene våre omfattar òg heimebaserte tenester i Edland/Haukeli, inkludert områda Vågslid, Arabygdi og ned til Smørklepp.
Norheimstunet ligg sentralt i Haukeli, og er eit triveleg tun med 11 bustadar inne og 3 frittståande bustadar ute. Me er no i gang med ei større ombygging, og utvidar med seks nye bustadar som skal stå klare hausten 2026.

Frå 23.03.2026 til 21.03.2027 startar me med årsturnus, og me har no ledige faste stillingar og vikariat – nokre med moglegheit for fast tilsetjing seinare.

Ledige stillingar
- Fast 18,98 % helgestilling inne på omsorgssenteret, fjerdekvar helg (med ein langvakt per helg)
- Fast 22,56 % helgestilling inne på omsorgssenteret, tredjekvar helg
- Vikariat 50,27 %, inne på omsorgssenteret, tredjekvar helg. Varigheit: 23.03.26–31.12.26

Kvifor jobbe hos oss?

Me er ein blid og inkluderande gjeng som er opptatt av eit godt arbeidsmiljø. Me har brukarane i sentrum, og jobbar heile tida for å gjere tenestene våre endå betre. Hos oss skal både tilsette og brukarar bli sett og høyrt.

Me gler oss til å få deg som søkjar!

Arbeidsoppgåver

• Hjelpe bebuarar og heimebuande med pleie og omsorg, som personlig hygiene, påkledning og dagleg stell
• Utføre førebyggande og behandlande tiltak innanfor eigen kompetanse
• Støtte brukarar i å halde på funksjonane sine og oppleve meistring i kvardagen
• Hjelpe til med praktiske gjeremål, som måltid, forflytting og lettare husarbeid i heimen
• Dokumentere helsehjelp og endringar i helsetilstand i elektronisk pasientjournal
• Handtere og dele ut medisinar, og gi injeksjonar innanfor eigen kompetanse (krav om kurs i legemiddelhandtering)

Kvalifikasjonar

• Autoriasjon som helsefagarbeidar
• Relevant erfaring innan helse kan vege opp mot kravet om autorisasjon, dette vurderer me særskilt
• Erfaring frå liknande arbeid er ein fordel, men ikkje eit krav
• Grunna dokumentasjonsplikt blir det stilt krav til gode norskkunnskapar, både munnleg og skriftleg, minimum nivå B2. Dette må dokumenterarst ved behov
• Grunnleggande IT-ferdigheiter for dokumentasjon og bruk av journalsystem
  
  

Personlege eigenskapar

• Du er omsorgsfull og empatisk, og møter brukarane med respekt og varme
• Du er ansvarsbevisst og påliteleg, og jobbar strukturert med oppgåvene dine
• Du er stabil, held avtalar og følgjer arbeidsplan og arbeidstid
• Du er fleksibel og kan tilpasse deg endringar og ulike situasjonar
• Du er tolmodig og møter brukarar med ulike behov og tempo på ein god måte
• Du samarbeider godt og bidreg til eit positivt arbeidsmiljø
• Du kan ta initiativ og jobbe sjølvstendig innanfor eigen kompetanse
• Du kommuniserer klart og tydeleg, både munnleg og skriftleg
  

Me vektlegg personleg eignahet

Vi tilbyr

• Varierte arbeidsoppgåver
• Løn etter kvalifikasjonar og ansiennitet i tråd med lokal lønsstige
• Gode læringsmiljø med gode kollegaer
• Opplæring og rettleiing i tenesta
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
  
  

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

For stillingar der det er krav om politiattest, må godkjend attest leggast fram før tilsetting.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Arnhild Romtveit, Avdelingsleiar, heimetenestene i øvre Vinje, +47 90042224

Arbeidsstad

Storegutvegen 217
3895 Edland

Nøkkelinformasjon:

Arbeidsgivar: Vinje kommune

Referansenr.: 5096628962
Stillingsprosent: 0%
Anna
Startdato: 06.04.2026
Sluttdato: 21.03.2027
Søknadsfrist: 19.04.2026