Lege i spesialisering

Velkomen til Volda!

BUP poliklinikk Volda har ledig 100 % fast stilling for lege i spesialisering. Er du ein engasjert LIS som ønskjer ei spanande stilling i eit sterkt fagmiljø?
Her får du høve til å jobbe med eit breitt spekter av psykiske lidingar hos barn og unge, med god oppfølging og fagleg utvikling.

Vi er ein del av Avdeling for psykisk helsevern barn og unge, som er samansett av poliklinikkar i Kristiansund, Molde, Volda og Ålesund, samt ein døgnseksjon med einingar i Molde og Ålesund. Avdelinga er godkjent utdanningsinstitusjon i spesialiteten barne- og ungdomspsykiatri.

Poliklinikken i Volda er organisert i tverrfaglege team: akutt/ambulant team, småbarnsteam, og 2 geografisk organiserte generalistteam. Vi tilbyr spesifikke behandlingstilbod som til dømes FBT, TF-CBT, EMDR, CPP, PEF, samt pasient- og pårørande opplæringstilbod. Avdelinga har faglege nettverk på tvers av poliklinikkane i forhold til OCD, psykose, spiseforstyrringar, vald og overgrep, personlegdomsproblematikk og akuttarbeid.

Som LIS ved BUP Volda vil du arbeide i tverrfagleg team med overlege. Poliklinikken har 4 overlegestillingar og 2 LIS-stillingar. Poliklinikken har eit ivaretakande og godt arbeidsmiljø, med mykje godt humør og arbeidsglede. Vi strekker oss langt for at våre LIS skal få best mogeleg faglege utviklingsforhold. Dersom du har planar om fagutviklingsprosjekt eller forsking, er det høve for å utvikle dette i samarbeid med fagpersonar med forskingsbakgrunn i poliklinikken vår. 

Er du klar for ei spanande moglegheit i vakre Volda? Søk no!

Arbeidsoppgåver

• Utgreiing og behandling av barn og ungdom med psykiske lidingar og utviklingsforstyrringar
  
• Somatiske undersøkingar og medikamentelle vurderingar
  
• Pårørande- og familiesamtalar
  
• Medverke fagleg gjennom undervisning og teamarbeid
  
• Ta del i pasienttryggleik, systematisk kvalitetsarbeid og kontinuerleg forbetring av verksemda
  
• Samhandling med kommunane, inkludert rådgjeving og rettleiing
  
• Ambulant behandling der det er hensiktsmessig
  

Kvalifikasjonar

• Norsk autorisasjon som lege, samt godkjent LIS del 1/turnusteneste etter gammal ordning
  
• Legar uten LIS del 1 vert også oppmoda om å søkje 
  
• God munnleg og skriftleg formidlingsevne i norsk (eller dansk/svensk)
  
• Tilfredsstillande politiattest må leggast fram ved tilsetting, jf. helsepersonellova §20a
  

Personlege eigenskapar

• Du har gode samarbeidsevner på tvers av profesjonar og yrkesgrupper
  
• Du har evne til å kommunisere godt med pasientar og medarbeidarar
  
• Du har ei strukturert og målretta arbeidsform
  
• Personleg eignaheit og inntrykk frå intervju vert vektlagt ved tilsetting
  

Vi tilbyr

• Høg fagleg standard med tilrettelegging for allmennmedisinsk praksis
  
• Eit godt og inkluderande arbeidsmiljø prega av samarbeid og respekt
  
• Spanande og varierte arbeidsoppgåver
  
• Sterkt tverrfagleg samarbeid
  
• LIS i allmennmedisin kan halde fast ved sin hovudrettleiar, men vil i tillegg få rettleiing av spesialist i barne- og ungdomspsykiatri
  
• Moglegheit for deltaking i relevante kurs, til dømes klinisk emnekurs i psykiatri eller terapikurs for behandling av psykiske lidingar hjå barn og unge
  
• Gode rammer for fagleg utvikling med:
  -vekentleg rettleiing av spesialist
  -strukturert utdanningsstilling med lokal og regional undervisning
  -individuell utdanningsplan ved tilsetting
  -vanleg dagarbeidstid (08:00 - 16:00)
  -høve til fagutviklingsarbeid og forsking
  -4 timar fordjuping i veka
  -vekentlege legemøte og internundervisning med LIS og overlegar
  -faste regionale samlingar med andre LIS i Midt-Noreg
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår
  
  

Vi ber om at attestar/tenestebevis frå eventuelle andre arbeidsforhold og vitnemål vert lasta opp som vedlegg til søknaden din.

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her.

Kontaktinformasjon

Kari Standal, Seksjonsleiar, +47 70058570, kari.standal@helse-mr.no

Arbeidsstad

Kløvertunvegen 1
6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5070954966
Stillingsprosent: 100%
Fast
Søknadsfrist: 03.03.2026