Overlege/Utdanningsstilling i palliativ medisin

Palliativt senter har ledig 100% utdanningsstilling med inntil 24 mnd varighet for overlege som ynskjer å gjennomføre Kompetanseområde palliativ medisin.  
  
Vi søkjer etter lege med spesialistgodkjenning i klinisk spesialitet. Stillinga er eigna for spesialistar innan t.d. anestesi, onkologi, indremedisin, kirurgi, gynekologi, allmennmedisin eller andre relevante spesialitetar.    
  
Kompetanseområde palliativ medisin er ei påbygging, etter spesialistgodkjenning. Rettleiing og undervisning for utdanningsstillinga vil bli gitt i samsvar med krava til Kompetanseområde palliativ medisin. Palliativt senter er godkjent til å dekke den kliniske delen av krava, med inntil to års teneste.  

Det er etablert vaktordning for legar ved Palliativt senter, frå hausten 2026 vil denne vere sjudelt, og utdanningskandidaten blir rekna inn i vaktordninga.  Det er til saman om lag 9 legeårsverk ved palliativt senter.    
 
Palliativt senter og Kompetansesenter i lindrande behandling Helseregion Vest (KLB) utgjer det regionale palliative senteret i Helseregion Vest. Frå august 2026 vil begge desse einingane vere organisatorisk plassert i Kreftklinikken, Helse Bergen og palliativ sengepost blir flytta frå Glasblokkene til Marie Joys hus.  
  
Palliativt senter består av palliativ sengepost og palliativt team. I tillegg til drift av palliativ sengepost og poliklinikk er seksjonen i hovudsak ei konsulenteining som vurderer pasientar innlagd i sjukehuset (palliativt team), gir råd til spesialisthelsetenesta og dei kommunale helse- og omsorgstenestene og gir undervisning innanfor det palliative fagområdet. Legegruppa roterer mellom dei ulike oppgåvene.     
  
Vi legg vekt på  tverrfagleg samarbeid og dei yrkesgruppene som er tilsett i eller knytt til avdelinga er sekretærar, sjukepleiarar, legar, psykologar, fysioterapeutar, ergoterapeutar,  musikkterapeut, sosionom og prest.  

Dersom det ikkje melder seg kandidatar til utdanningsløpet i palliativ medisin, kan andre søkjarar med relevant spesialistgodkjenning og interesse for fagfeltet bli vurderte for tilsetjing. Det kan t.d vere fastlegar som treng eit år i spesialisthelsetenesta. 

Arbeidsoppgåver

• Rotasjon mellom arbeidsoppgåver i palliativt senter    
• Postarbeid som lege ved palliativ sengepost   
• Tilsyn frå palliativt team til pasientar innlagd ved ulike avdelingar ved HUS   
• Tett samarbeid med behandlingsansvarleg personell som har dagleg oppfølging av pasientar ved ulike avdelingar  
• Tett samarbeid med alle faggrupper i palliativt team   
• Rettleiing og konsulenttenester til helsepersonell, i samband med pasienttilsyn, samarbeidsmøte og telefonmøte   
• Vurdering og tilvising til andre palliative tilbod og samarbeid med desse    
• Vidareutvikling av samhandlinga mellom spesialist- og kommunehelsetenesta   
• Utvikle fagleg kompetanse og kunnskap innan lindrande behandling på sjukehus og i kommunehelsetenesta, ved å bidra med undervisning, rettleiing, fagdagar o.l.   
• Heimebesøk og/eller samarbeidsmøte med kommunal helseteneste når det blir vurdert nødvendig   
• Utdanningskandidat vil inngå i etablert vaktordning  

Kvalifikasjonar

• Norsk autorisasjon som lege   
• Spesialistgodkjenning i relevant medisinsk fagområde er ønskeleg   
• Ønskeleg at den som blir tilsett også tar kompetanseområde i palliativ medisin   
• Legar i utdanningsløp til relevant fagområde kan også søke   
• Må meistre godt norsk både munnleg og skriftleg   
• Forskingserfaring ein fordel men ikkje eit krav   
• Det blir lagt vekt på relevant yrkeserfaring og klinisk erfaring  

Personlege eigenskapar

• har interesse og motivasjon for fagfeltet og for tverrfagleg samarbeid   
• har gode samarbeidsevner og kommuniserer tydeleg og forståeleg overfor pasientar/ pårørande og andre samarbeidspartnarar   
• har evne til å vere lydhøyr overfor pasientar og pårørande i ein krevjande livssituasjon   
• har god fagleg vurderingsevne, og arbeider strukturert og målretta   
• tar initiativ og du arbeider sjølvstendig   
• bidrar til eit godt arbeidsmiljø   
• kan delegere og følgje opp delegerte oppgåver  

Vi tilbyr

• Løn etter avtale    
• Eit aktivt og triveleg arbeidsmiljø   
• Tett samarbeid internt i klinikken og med ulike avdelingar på sjukehuset   
• Avdelinga har utdanningsutval for legene og også felles undervisningar   
• Gode pensjons- og forsikringsordninga   

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Nina Hjort, Seksjonsoverlege, +47 41701769, nina.elisabeth.hjort@helse-bergen.no
Monika Kvamme, Seksjonsleiar, +47 41701778, monika.kvamme@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5141023015
Stillingsprosent: 100%
Anna
Startdato: 01.09.2026
Sluttdato: 31.08.2028
Søknadsfrist: 23.06.2026