Sjukepleiar/ vernepleiar, 60% natt

Ønsker du å vere ein del av eit sterkt fagmiljiø på en døgnseksjon der pasientbehandling står i sentrum? Trivst du med travle dagar, varierte oppgåver, faglege utfordringar og tverrfagleg samarbeid for å skape rammer, auke meistring og livskvalitet til pasientar med ulike psykiske lidingar?

Ved allmenn døgnbehandling på Øyane DPS har vi ledig 60% stilling på natt med arbeid kvar 3 helg.

Seksjon allmennpsykiatrisk døgnbehandling er ein open døgnseksjon som tilbyr korttidsbehandling. Seksjonen er eit ledd i akuttforløpet og i behandlingskjeda for menneske med ulike psykiske lidingar og kan ha et høgt aktivitetsnivå. Personalgruppa er tverrfagleg og består av psykiater, psykolog, LIS-lege, sjukepleiarar, vernepleiarar, sosionom, helsefagarbeidar, miljøterapeutar og assistentar. Vi har fokus på tverrfagleg samarbeid internt og eksternt for å skape gode rammer for pasienten og bidra til å auke meistring og livskvalitet. I behandling har vi fokus på psykologisk behandling, miljøterapi og medikamentelle tiltak. Ernæring og fysisk aktivitet er også vesentlege element i behandlinga.

Øyane DPS er eit av tre DPS ved Divisjon psykisk helsevern ved Haukeland universitetssjukehus. Klinikken flytta inn i nye lokale i 2011 og er lokalisert i naturskjønne  omgivnader på Straume i Øygarden kommune, om lag 15 min køyring fra Bergen sentrum. Klinikken har sektoransvar for Askøy og Øygarden med om lag 51 000 innbyggjarar over 18 år. Kommunane er i rask vekst og vi har god kontakt med primærhelsetenesta og fleire samhandlingsprosjekt som er under arbeid.

Øyane DPS består av:
*  Allmennpsykiatrisk poliklinikk med eige akutteam og MBT team
*  Allmenn døgnseksjon med 8 senger
*  Psykose døgnseksjon med 8 senger
*  Psykosepoliklinikken/FACT tilbyr behandling til menneske med psykoseliding eller mistanke om psykose. 

Er du ein sjukepleiar eller vernepleiar som er opptatt av å gi god kvalitet i pasientarbeidet, har engasjement for pasientar med psykiske lidingar og liker å jobbe saman med kollegaer til å skape eit trygt og utviklande arbeidsmiljø? Då håper vi du vil søke på denne stillinga. 

Arbeidsoppgåver

• Varierte og utfordrande arbeidsoppgåver knytta til drift, oppfølging og behandling av pasientar
• Tverrfagleg samarbeid i team og sjølvstendig arbeid
• Mottak og oppfølging av pasientar
• Utarbeide og setje i verk miljøterapeutiske tiltak for å fremme meistring og livskvalitet i kvardagen
• Utarbeiding av behandlingsplanar, kriseplanar og arbeide tett opp mot kommune og pårørande
• Tillaging og administrasjon av medikamentell behandling
• Pårørandearbeid, herunder kartlegging av barn som pårørande
• Ansvarsvakt
• Delta aktivt i fysisk aktivitet med pasientane

Kvalifikasjonar

• Norsk autorisasjon som sjukepleiar/vernepleiar
• Ønskeleg med erfaring frå psykisk helsearbeid
• Ønskeleg med erfaring frå DIPS og Meona
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad 

Personlege eigenskapar

• Pasientorientert og har respekt for kvar enkelt pasient
• Ansvarsbevisst og robust
• Gode kommunikasjonsevner og evner til relasjonsbygging
• Evne til å arbeida sjølvstendig, målretta og fleksibelt
• Må like å samhandle i team og vere løysingsorientert
• Det vert lagt vekt på personlege eigenskapar
• Fokus på godt arbeidsmiljø og tett samhandling på tvers av profesjonar og grupper

Vi tilbyr

• Lønn i samsvar med gjeldande overeinskomst.
• Eit positivt og godt kollegialt miljø
• IA -bedrift

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Benedicte Skagen, Seksjonsleiar, 56326669

Arbeidsstad

Blombakkane 75
5354 Straume

Nøkkelinformasjon:

Arbeidsgivar: Helse Bergen HF

Referansenr.: 5076522542
Stillingsprosent: 60%
Fast
Søknadsfrist: 15.03.2026