80% stilling som helsefagarbeidar ved Mjøstølen avslastning

Ullensvang kommune, tenesta for funksjonshemma, har ledig 80 % fast stilling som helsefagarbeidar i turnus ved Mjøstølen avlastning. Du blir ein del av ei langvaktsordning (12,5 timer) som gir rom for gode friperiodar – perfekt for både fjellturar, familietid og lading av batteri. Arbeid kvar tredje helg inngår i stillinga.

Mjøstølen avlastning gir tenester til familiar som har barn og unge vaksne med ulike funksjonsvariasjonar. Vi har døgndrift i trivelege lokale tett på Odda sentrum – og eit arbeidsmiljø som er like stødig som fjella rundt oss. Her møter du kollegaer som ler saman, støttar kvarandre og tar felles ansvar for å skape eit varmt og trygt miljø for både brukarar og tilsette.

Vi legg stor vekt på tryggleik og trivsel. Barna og familiane skal føle seg ivaretatte når dei er hos oss, og du vil vere ein viktig del av å skape gode rammer, støtte i kvardagsaktivitetar og leik, og følgje opp individuelle behov. Samarbeid med pårørande, barnehage, skule og spesialisthelsetenesta er ein naturleg del av kvardagen – og du står aldri åleine, for hos oss jobbar vi verkeleg som eit lag.

• Skape trygge, gode og meiningsfulle kvardagsaugeblikk for barna og dei unge vaksne hos oss
• Følgje opp individuelle behov – alt frå små praktiske ting til viktige steg i meistring
• Vere ein trygg person rundt brukaren: støtte, leike, motivere og gi rom for utvikling
• Handtere legemiddel på ein sikker måte
• Utarbeide og følgje opp rutinar som gir forutsigbarheit og tryggleik
• Samarbeide tett med kollegaer, pårørande og fagpersonar for å gi brukarane det beste tilbodet
• Bidra til eit miljø der humor, omtanke og fag går hand i hand

Kvalifikasjonar – det du treng for å lykkast hos oss

• Autorisasjon som helsefagarbeidar, andre relevante fagutdanningar vil verte vurderte
• Gode norskkunnskapar – slik at du kan kommunisere trygt og godt med både brukarar, foreldre og kollegaer
• Erfaring med IT-verktøy og dokumentasjon
• Erfaring med utfordrande åtferd er ein fordel, men viktigast er evna til å møte menneske med ro, respekt og varme

Vi håpar du er ein som:

• møter både barn og kollegaer med smil, varme og ekte engasjement
• er trygg i faget ditt og har lyst til å bruke kunnskapen til å gi gode opplevingar i kvardagen
• trivst i eit team og synest det er naturleg å hjelpe, støtte og inkludere andre
• kan vere fleksibel – kvar dag er ulik, og vi skaper tryggleik ved å møte endringar på ein roleg og løysingsorientert måte
• tør å tenkje sjølvstendig, men også veit når du skal spele på laget
• bidrar til eit miljø der vi heiar på kvarandre og gjer kvarandre gode

 
Vi tilbyr – ein arbeidsplass med varme og fellesskap

• Ein jobb der du får vere med og skape små og store høgdepunkt i kvardagen til barn og unge vaksne
• Eit arbeidsmiljø med varme, humor og kollegaer som bryr seg – både om brukarane og om kvarandre
• Varierte og meiningsfulle oppgåver som gir både fagleg og personleg utvikling
• Løn etter hovudtariffavtalen
• Gode moglegheiter for kompetanseheving – vi ønskjer at du skal vekse i jobben
• IA-bedrift med gode permisjons- og pensjonsordningar
• Ei trygg og inkluderande avdeling der du aldri står åleine
• Hjelp til å skaffe tak over hovudet hvis du pendlar eller kjem flyttande

Krav:

Oppstart: Snarast mogleg eller etter avtale

Kontaktperson: Liv Helen Mårstig, Konstituert avdelingsleiar, liv.marstig@ullensvang.kommune.no Tlf: 48 10 23 74

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/