Overlege anestesi

Seksjon legar ved AIO (anestesi, intensiv og operasjon), Førde sentralsjukehus har ledig to fast overlegestillingar. 

Utfordrande rolle for deg med høg fagleg kapasitet, god gjennomføringsevne og tydeleg rolleforståing.

Vi søkjer legar som ønskjer å utvikle seg vidare i eit miljø med høge faglege krav, stor grad av sjølvstende og tydeleg forventning til kvalitet og samhandling.

Om stillinga

Seksjon for anestesi, intensiv og operasjon (AIO) ved Førde sentralsjukehus søkjer fagleg sterke og handlekraftige overlegar i anestesiologi.

Stillingane vil kunne inngå i ei vaktordning med bakvakt ved Førde sentralsjukehus.

Arbeidsgjevar er Helse Førde og stillingane er organisatorisk knytt til AIO. Arbeidsstad og arbeidsoppgåver kan justerast innanfor avdelinga sine samla behov.

Seksjonen bidreg i drifta av to helikopter og deltaking i prehospital teneste kan vere aktuelt for særleg eigna kandidatar etter nærare vurdering.
Slik teneste føreset dokumentert høg fagleg tryggleik, gode samarbeidsevner og personleg eignaheit, og vert vurdert etter gjeldande krav til seleksjon og operativ teneste.

Kandidaten må rekne med å delta i forvaktsjiktet i ein innføringsperiode før eventuell overgang til overlegevakt.

Progresjon til bakvakt og eventuelle utvida funksjonar vil skje etter individuell vurdering, basert på kompetanse, funksjon og behov i avdelinga. 

Kvalifikasjonar

• Spesialistgodkjenning i anestesiologi (norsk autorisasjon)
• Søkjarar med fullført utdanning innan 6 månader kan bli vurdert etter nærare avtale
• Må beherske norsk flytande, både munnleg og skriftleg

Vi legg vekt på at du

• kommuniserer tydeleg, presist og respektfullt – også i krevjande situasjonar og tverrfagleg samarbeid
  
• har dokumentert evne til samarbeid, rolleforståing og bidreg til eit godt arbeidsmiljø
  
• arbeider strukturert og målretta, også under press
  
• tek sjølvstendige avgjerder og har tryggleik i spesialistrolla
  
• har høg situasjonsforståing og evne til å prioritere rett
  
• tek ansvar, viser gjennomføringsevne og toler belastning over tid
  
• har fagleg integritet og ønskje om kontinuerleg utvikling
  
• er robust og trygg i møte med komplekse pasientforløp og operative settingar 

Vi tilbyr

• Overlegestilling i eit sterkt og inkluderande fagmiljø
  
• Moderne fasilitetar, ny operasjonsavdeling og tverrfagleg samarbeid på høgt nivå
• Fokus på praktisk læring, klinisk kvalitet og kontinuerleg utvikling
• Løn i samsvar med gjeldande avtaleverk
• Konkurransedyktige pensjons- og forsikringsordningar
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Gregers Halvorsen, Seksjonsleiar legar anestesi, (+47) 918 80 015

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5108676233
Stillingsprosent: 100%
Fast
Søknadsfrist: 24.04.2026