Ledige pedagogstillingar i kommunale barnehagar

Vi treng nye pedagogar i våre barnehagar.
Gloppen kommune har tre kommunale barnehagar, Hyen, Mona og Breim. Alle barnehagane jobbar med resultatleiing/ Beste praksis. Administrasjonsmålet er nynorsk. Besøk kommunen si nettside for informasjon om kommunen og kva vi har å by på.

Vi lyser ut pedagogstillingar som vert ledige for komande barnehageår, både faste, vikariat og mellombelse stillingar. Søkjarar vert oppmoda om å prioritere arbeidsstad i søknaden.

Tilsetjing vil skje løpande etter fristen.

Arbeidsoppgåver

Barnehagelærar skal ha ansvar for planlegging, gjennomføring og evaluering av pedagogisk arbeid. Den tilsette må jobbe i tråd med resultatleiing og den beste praksis som er definert. Alle tilsette skal jobbe i tråd med rammeplanen og årsplan for barnehagen. Dei tilsette må vere aktive vaksne som legg til rette for leik og inkluderande fellesskap.

Aktuelle arbeidsstadar:

• Mona barnehage: Barnehage med seks avdelingar på Sandane.
• Breim barnehage: Barnehage med fem avdelingar på Reed.
• Hyen skule og barnehage: Barnehagen har to avdelingar og har felles administrasjon med skulen.

Kvalifikasjonar

Vi ønskjer barnehagelærarar som har:

• Godkjent pedagogisk utdanning for arbeid i barnehage 
  
• Migrasjonskompetanse/spesialpedagogisk kompetanse
• Kan nytte nynorsk som skriftspråk og snakke godt norsk og vere digitalt kompetente
  
• Erfaring eller kompetanse innan rettleiing (barnehagelærar)
• Erfaring eller interesse for estetiske fag/praktiske fag

Personlege eigenskapar

Vi søkjer etter engasjerte medarbeidarar som er positivt innstilt til utviklings- og endringsarbeid. Vedkommande må vere reflekterte kring fagleg utvikling. Våre nye medarbeidarar må vere ansvarsbevisste, ha evne til samarbeid og kunne jobbe både sjølvstendig og i team. Dei må ha fokus på inkluderande barnehagemiljø og språkutvikling, samspel og relasjon, og det å vere ein del av kontinuiteten på avdelinga. Vedkommande må vere strukturert og ha tydeleg gruppeleiing. Barnehagane jobbar etter Tryggleikssirkelen (COS), kjennskap og erfaring vil vere positivt

Personlige eigenskapar vert tillagt stor vekt i den samla kvalifikasjonsvurderinga. Om søkjarane er vurdert likt blir menn føretrekte for tilsetjing.

Vi tilbyr

• Barnehagar med fokus på fag og utvikling.
• Eit godt arbeidsmiljø med engasjerte og dyktige kollegaer
• Løn etter tariff i samsvar med godkjend utdanning og praksis.
• Tilsetjing på vanlege kommunale vilkår med offentleg tenestepensjon i KLP.

Tilfredsstillande politiattest må leggast fram før tiltreding.

Kontaktinformasjon

Anette Støyva, Barnehagestyrar Breim barnehage, 468 73 568
Else Lundestad Bakkelid, Barnehagestyrar Mona barnehage, 970 95 123
Anne Kristin Risøy Eimhjellen, Rektor Hyen skule og barnehage, 924 07 655
Per Arne Strand, Kommunalsjef Oppvekst, +47 957 78 875

Arbeidsstad

Grandavegen 9
6823 Sandane

Nøkkelinformasjon:

Arbeidsgivar: Gloppen kommune

Referansenr.: 5072147308
Stillingsprosent: 100%
Fast
Søknadsfrist: 08.03.2026