Rådgjevar utbyggingsavtalar

Er du engasjert i samfunnsutvikling, og trur på verdien av gode strukturar, gode løysingar og klare avtalar? Ålesund kommune søkjer no ein dyktig rådgjevar som skal arbeide med utbyggingsavtalar. Stillinga ligg i grunnseksjonen, som er ein del av verksemd for plan og bygning. Verksemda består av omtrent 50 tilsette som jobbar med plan, byggesak, oppmåling, geodata, grunnerverv med meir. Grunnseksjonen har 3 tilsette som jobbar med grunnerverv, og er samansett av ingeniørar og jurist.

Som rådgjevar for utbyggingsavtalar vil du ha ei sentral rolle i samarbeidet mellom kommunen og private utbyggjarar. Du vil bidra til at offentleg og privat utbygging skjer på ein berekraftig, ryddig og føreseieleg måte - til beste for både innbyggjarar og næringsliv. 

Du får arbeide i eit tverrfalgeg miljø med tett kontakt med planleggarar, juristar, ingeniørar og andre.

Arbeidsoppgåver

• Koordinere, framforhandle og utarbeide kommunens utbyggingsavtalar etter plan- og bygningslova. 
• Dialog med utbyggjarar, grunneigarar og andre aktørar. 
• Samarbeid med interne fagmiljø og politisk handsaming.
• Refusjon knytt til utbyggingsavtalar.
• Utarbeide rutiner. retningslinjer og system innanfor ansvarsområdet med føremål om å profesjonalisere kommunen si rolle innanfor ansvarsområdet. 
• Ved behov og kapasitet; arbeid med grunnerverv. 
• Andre oppgåver kan leggast til stillinga ved behov. 

Kvalifikasjonar

• Relevant høgare utdanning (fortrinnsvis på masternivå) innan tekniske fag (ingeniør eller liknande). 
• Andre utdanningar på masternivå kan vere aktuelle, som til dømes eigedomsfag/jordskiftekandidat, økonomi, anna teknisk utdanning.
• Relevant erfaring kan kompensere for manglande utdanning.
  
• God forståing for offentleg forvaltning og plan- og bygningslova.
• Det er ein fordel om du har erfaring med utbyggingsavtalar og/eller gjennomføring av forhandlingar. 
• God munnleg og skriftleg framstillingsevne.

Personlege eigenskapar

• Du har pågangsmot, gjennomføringskraft og er løysingsorientert. 
• Du må vere strukturert, nøyaktig og påliteleg med evne til å styre eigen arbeidskvardag.
• Du må ha god rolleforståing, og evne til å prioritere og gjennomføre. 
• Du må ha evne til å jobbe sjølvstendig og i team med kollegaer og du tek gjerne initativ til forbetringar/endringar. 
• Du ser viktigheita av godt samarbeid internt, både med dine næraste kollegar og med andre avdelingar.
• Du må trives med å ha ei synleg og aktiv rolle, og du må vere relasjonsskapande.

Vi tilbyr

• Spanande, varierte og meiningsfylte arbeidsoppgåver. 
• Eit godt tverrfagleg arbeidsmiljø.
• Utviklingsmoglegheiter.
• Lønn etter avtale.
• Fleksibel arbeidstidsordning.
• Kommunale tilsettingsvilkår med pensjonsordning og personalforsikring.

Kontaktinformasjon

Silja Øvrelid, Verksemdsleiar, 984 19 650

Arbeidsstad

Keiser Wilhelms gate 21
6003 Ålesund

Nøkkelinformasjon:

Arbeidsgivar: Kommunalområde Samfunn

Referansenr.: 5118941635
Stillingsprosent: 100%
Fast
Søknadsfrist: 24.05.2026