IKT arkivar – elektroniske arkiv og digitalt depot

Vestland fylkeskommune har ledig fast stilling som IKT‑arkivar.

Vi søker ein medarbeidar med god IKT-forståing som vil arbeide praktisk med mottak, kvalitetssikring og bevaring av elektronisk skapte arkiv frå kommunane i Vestland. Stillinga ligg i skjeringspunktet mellom arkiv og IT, og passar for deg som trivst med system, data, feilsøking og tekniske problemstillingar.

Stillinga er plassert i Kommunearkivordninga i Vestland, som er ein del av seksjon arkiv i Vestland fylkeskommune.

Om oss

Kommunearkivordninga i Vestland (KAV) er eit interkommunalt arkivsamarbeid som leverer depottenester for papirbaserte og elektroniske arkiv, samt rådgjeving og tenester innan arkivordning, digitalisering og tilgjengeleggjering for kommunane i samarbeidet.

Kommunearkivordninga er ein av to fageiningar i seksjon arkiv i Vestland fylkeskommune. Det er tett samarbeid på tvers av einingane, særleg innan depot, system, digital tilgjengeleggjering og fagleg utviklingsarbeid.

Eit nytt arkivbygg, aukande mengd digital dokumentasjon og nye krav til bevaring og innsyn pregar arbeidet, og elektroniske arkiv har ei stadig viktigare rolle. Vi er på jakt etter ein medarbeidar som ønskjer å vere med å vidareutvikle dette spennande fagfeltet. 

Arbeidsoppgåver

Arbeidsoppgåvene vil mellom anna omfatte:

• mottak og sikring av elektroniske arkiv i digitalt depot
• arbeid med databasar, metadata, datastruktur, format og dokumentasjon
• arbeid med innsyn og tilgjengeleggjering av digitale arkiv
• vidareutvikling av rutinar og tekniske løysingar for elektronisk depot
• samarbeid og dialog med:
  • kommunane (arkivskaparar)
  • IT‑miljø og IKT‑selskap
  • arkiv‑ og systemleverandørar
• planlegging, gjennomføring og kontroll av arkivuttrekk frå sak‑/arkivsystem og kommunale fagsystem
• validering, feilsøking og kvalitetssikring av digitale arkivleveransar
• rådgjeving og rettleiing
  

Andre oppgåver kan bli lagde til stillinga. 

Kvalifikasjonar

Vi søker deg som har:

• høgare utdanning innan IT, informasjonsvitskap, arkiv, dokumentasjonsforvaltning eller tilsvarande
  (lang og relevant erfaring kan kompensere for utdanningskravet)
• god IKT-forståing og interesse for arbeid med digitale system og data

I tillegg ønskjer vi søkjarar som har erfaring eller kompetanse frå eitt eller fleire av områda nedanfor. Denne kompetansen vil bli vektlagt i vurderinga, men er ikkje eit krav for å søkje. Vi er opptekne av heilskapleg kompetanse og oppmodar søkjarar med relevant bakgrunn til å melde si interesse, også om dei ikkje dekker alle punkta.

• elektroniske arkiv og arkivuttrekk (Noark, fagsystem)
• databasar og datauttrekk (t.d. SQL, XML, CSV)
• dataanalyse, kontroll og kvalitetssikring av data
• lagring av data, dataredundans og langtidsbevaringsløysingar  
• sak /arkivsystem og kommunale fagsystem
• erfaring frå kommunal eller interkommunal sektor 

Våre medarbeidarar bør ha førarkort klasse B.

DAMA / data management
Vestland fylkeskommune ser positivt på DAMA sertifisering (Certified Data Management Professional – CDMP). Dette er ikkje eit krav, men det er ein fordel om du har, eller ønskjer å ta, slik sertifisering.

DAMA er eit internasjonalt rammeverk for strukturert arbeid med data og datastyring, og er relevant for arbeid med metadata, datakvalitet, livsløp og bevaring av digital informasjon. Det kan vere aktuelt å gjennomføre sertifisering som del av stillinga.

Personlege eigenskapar

Vi ser etter ein medarbeidar som:

• arbeider strukturert, nøyaktig og sjølvstendig
• samarbeider godt med både tekniske og arkivfaglege miljø
• god norsk skriftleg og munnleg framstillingsevne
• er utviklingsorientert og fagleg nysgjerrig
• kan gje rådgjeving og opplæring

Vi tilbyr

• ei samfunnsviktig og fagleg spennande stilling i Vestland fylkeskommune
• arbeid i eit sterkt arkivfagleg miljø på Leikanger
• støtte til kurs og sertifisering, mellom anna DAMA / CDMP, etter nærare avtale
• fleksibel arbeidstid og høve til heimekontor etter gjeldande avtale i VLFK
• løn og arbeidsvilkår etter gjeldande avtaleverk
• gode offentlege pensjons- og forsikringsordningar

 

Stillingskode: spesialkonsulent eller rådgjevar etter utdanning og VLFK sine retningslinjer
Tiltreding: Etter avtale

 

Kontaktinformasjon

Sigrun Espe, leiar, 99044666

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 5121671945
Stillingsprosent: 100%
Fast
Søknadsfrist: 14.06.2026