Gruppeleiar

Er du ein framtidsretta og løysingsorientert leiar som vil vera med og utvikla heimetenesta i Kvam? 

Kvam heimeteneste gjev helsehjelp og praktisk bistand til omlag 200 brukarar som bur i området frå Kjepso til Ljones. Du vil leia ei personalgruppe med høg kompetanse og stor evne til å vera fleksible i arbeidskvardagen. Kvam heimeteneste har omlag 24 årsverk og saman med deg i leiarteamet har du assisterande gruppeleiar som også arbeider som sjukepleiar i gruppa.

Arbeidsoppgåver

• Drift- og utviklingsoppgåver innan fag, personal og økonomi
• Gje fagleg rettleiing til personalgruppa
• Driva og delta aktivt i kontinuerleg forbedringsarbeid og endringsarbeid i tenesta
• Bemanning- og arbeidstidsplanlegging i samarbeid med assisterande gruppeleiar og tillitsvalde
• Jobbe etter tenesta sine mål om å skape tenester for framtida der heimetenester er eit sentralt satsingsfelt 

Kvalifikasjonar

• Norsk autorisasjon som sjukepleiar
• Leiarutdanning og/eller leiarerfaring innan helsesektoren er ei føremon. Dersom du ikkje har formell leiarutdanning, må du vera villig til å gjennomføre dette
• Førarkort klasse B

 Alle som yter tenester etter Helse og omsorgslova skal levera politiattest. Den som vert tilsett må derfor legga fram politiattest av ny dato, denne skal ikkje leggast ved søknaden. Ved tilsetjing skal det leggast fram vitnemål og attestar. 

Personlege eigenskapar

Me søkjer deg som 

• har stor arbeidskapasitet, er fleksibel og ser løysingar
• har særs gode kommunikasjons- og samarbeidsevner
• har fokus på systematisk arbeid med kontinuerleg utvikling av tenesta
• er ein god rollemodell og skaper engasjement og entusiasme i personalgruppa
• har fokus på- og ser verdien av- samarbeid og å sjå heilheit i heile pleie- og omsorgstenesta
• stillinga passar for deg som trivst med ein variert arbeidskvardag der du må løyse ulike utfordringar

Vi tilbyr

• Eit godt arbeidsmiljø der me jobbar godt saman for å utvikla kvarandre og tenestene 
• Høve til personleg og fagleg utvikling
• Løn etter gjeldande tariffavtale og lokalt lønssystem
• Gode pensjons-/og forsikringsordningar    

Generell informasjon:

• Søknadar må sendast via Webcruiter for å verta registrert på utlysingssak.
• I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
• Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette
  
  Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.   

Kontaktinformasjon

Ingunn Kråkevik, konst. leiar for legetenesta, +47 459 77 148

Arbeidsstad

Nedre Norheim 44
5600 Norheimsund

Nøkkelinformasjon:

Arbeidsgivar: Kvam herad

Referansenr.: 5031260863
Stillingsprosent: 100%
Fast
Søknadsfrist: 06.11.2025