Vil du vere med å forme framtida for barn og unge i Fyresdal?

Fyresdal kommune er ein liten kommune med store vyar. Takka vere stor datasenteretablering og god næringsutvikling forventast folketalet å vekse vesentleg dei næraste åra.

Kommunen søkjer nå ein engasjert og strategisk kommunalsjef for kultur og oppvekst som vil spele ei nøkkelrolle i utviklinga av gode oppvekst- og kulturtilbod for innbyggjarane våre. Dette er ei spanande leiarstilling med ansvar for eit samla tenesteområde som omfattar barnehage, skule og kultur.

Som kommunalsjef får du overordna ansvar for barnehage, grunnskule med om lag 145 elevar, samt kulturtenestene våre som omfattar bibliotek, kulturskule og ungdomsklubb. Du har også ansvaret for vaksenopplæring, regionalt samarbeid med PPT og barnevern, samt logopedinnleige. Stillinga er sentral i kommunen si leiargruppe og rapporterer til kommunedirektøren. Du vil ha ei viktig rolle i å sikre gode tenester, vidareutvikle fagområda og bidra til heilskapleg samfunnsutvikling i kommunen. Du vil bidra strategisk inn i kommunedirektøren si leiargruppe, sikre godt samspel mellom fag og politikk, samt sikre god økonomistyring, effektiv ressursbruk og heilskapleg tenesteutvikling.

Du har minimum treårig utdanning med pedagogikk i fagkrinsen. Det er vidare ønskeleg med utdanning eller erfaring frå arbeid med administrasjon og økonomi. Du har også god forståing for offentleg forvaltning og arbeid med overordna planar. For å lykkast trur me og at det er ein fordel å ha erfaring frå leiing av fagpersonar med høg fagleg kompetanse.

Vi ser etter ein tydeleg og inkluderande leiar med evne til å motivere og utvikle medarbeidarar og leiarar. Du er nytenkande og flink til å skapa og ivareta gode relasjonar. Du arbeider strukturert, er strategisk orientert og har eit sterkt engasjement og pedagogisk tilnærming i ditt arbeid for barn, unge og kultur.

Fyresdal kommune kan tilby ei sentral og meiningsfull leiarstilling i ein liten og oversiktleg kommune med korte avstandar og gode samarbeidsrelasjonar. Du vil få høve til å påverke utviklinga av tenestene og bidra til å skape eit godt lokalsamfunn for både tilsette og innbyggjarar.

Høyrest dette spennande ut?
Ta kontakt med våre rådgjevarar i Headvisor, Morten G. Aggvin (+47 410 47 125) eller Kristin Haugen Lindbak (+47 971 55 441) dersom du ønsker meir informasjon om stillinga.