Miljøpersonale

Stend vidaregåande skule har om lag 550 elevar innan naturbruk, idrettsfag, sal, service og reiseliv, påbygging til generell studiekompetanse og klassar med redusert elevtal. Skulen ligg vakkert til ved Fanafjorden i Bergen kommune og har om lag 200 tilsette. Stend vidaregåande skule arbeider aktivt med å utvikle organisasjonen og studietilbodet, slik at tilbodet til den einskilde eleven skal bli best mogleg. Skulen har store ambisjonar, og har som mål å vere leiande innanfor dei programområda skulen tilbyr. Stend har fokus på læring gjennom praksis og tett samarbeid med næringslivet. Skulen har for tida 10 klassar med redusert elevtal innan yrkesfagleg grunnutdanning, arbeidstrening og kvardagslivstrening. I tillegg gjev skulen nokre elevar opplæring gjennom individuelle tiltak. Desse stillingane vil i all hovudsak ha arbeidsoppgåvene sine knytte til individuelle elevar og kvardagslivstrening.

Denne stillinga vil i hovudsak ha arbeidsoppgåvene sine knytt til Anleggsgartnar utdanninga.

Arbeidsoppgåver

Støtte elevane si læring og trivsel ved å bidra aktivt til deira faglege og sosiale utvikling gjennom heile skuledagen. Arbeide systematisk for å hjelpe elevane med å utvikle ferdigheiter og kompetanse som gjer dei i stand til å meistre arbeidslivet. Gjennomføre læringsøkter og praktiske arbeidsoppgåver i tråd med pedagogiske planar. Samarbeide tett med lærarar, miljøarbeidarar og leiar for å nå pedagogiske mål.

Kvalifikasjonar

Vi søkjer personar med kompetanse og erfaring frå handverk, fortrinnsvis anleggsgartnar, samt arbeid retta mot ungdom. 
Ønskeleg med fagbrev innan handverksyrke 

 

Personlege eigenskapar

Du har gode samarbeidsevner og høg relasjonskompetanse. Du trivst med å arbeide i team, samstundes som du evnar å jobbe sjølvstendig. Du er tolmodig, raus, tydeleg og strukturert. Du er fleksibel og løysingsorientert, og handterer uventa endringar i arbeidskvardagen på ein god måte. Du er positiv, lærevillig og har eit godt humør. Vi legg vekt på at du er engasjert og personleg eigna for stillinga.

Vi tilbyr

Løns- og arbeidsvilkår fastsett  i lov og avtaleverk.
Gode forsikrings- og pensjonsordningar.
Stend er ein arbeidsplass med godt sosialt miljø og stor fagleg breidde, der du vert inkludert i eit aktivt og positivt miljø.

Andre opplysningar:
Administrasjonsmålet i fylkeskommunen er nynorsk.
Alle nytilsetjingar vert gjort med ei prøvetid på 6 månader.
Den som skal tilsetjast i vidaregåande skule må leggje fram politiattest.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.

Kontaktinformasjon

Torbjørn Litlere, avdelingsleiar, 40488885

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5098253129
Stillingsprosent: 89,1%
Fast
Startdato: 01.08.2026
Søknadsfrist: 06.04.2026