Vil du få betalt for å laga content om Ryfylke til sosiale medium?

Hva vi ser etter

Det er ein fordel om du har god kjennskap til Ryfylke og lokalmiljøet.

Kanskje studerer eller jobbar du utanfor Ryfylke til dagleg, men er heime i feriar, helger eller andre periodar gjennom året? Då kan dette vera ei spennande moglegheit for deg.

Du treng ikkje ha profesjonell erfaring. Det viktigaste er at du:

• Likar å laga innhald til TikTok og Instagram

• Er kreativ og sjølvstendig

• Har interesse for foto, video og historieforteljing

• Har lyst til å visa fram menneska, bedriftene, naturen og opplevingane som finst i regionen

• Er komfortabel med å ta kontakt med folk og skapa innhald på ulike stader i Ryfylke

Arbeidsoppgaver

• Laga innhald om Ryfylke og studentliv til TikTok, Instagram og heimteryfylke.no

• Besøka lokale bedrifter, arrangement og aktivitetar for produksjon av innhald

• Visa fram kvardagsliv, natur, arbeidsliv og aktivitetar i regionen

• Intervjua og fortelja historier om menneske som bur, arbeider eller studerer i Ryfylke

• Bidra med idéar til innhald og kampanjar

  
  

Om Heim te Ryfylke

Heim te Ryfylke er ei ungdomssatsing utvikla på initiativ frå Ungdomsstyret i Ryfylke. Prosjektet er laga av og for ungdom, med mål om å visa fram moglegheitene som finst i Ryfylke innan jobb, utdanning, fritid og kvardagsliv.

Gjennom heimteryfylke.no og sosiale medium deler me historier frå unge som bur, studerer og arbeider i regionen. Målet er å styrkja tilknytinga til Ryfylke og inspirera fleire til å flytta heim, bli verande eller oppdaga moglegheitene som finst her.

Som innhaldsskapar blir du med på å forma korleis Ryfylke blir presentert for andre unge i regionen og for dei som vurderer å flytta tilbake.

Vi tilbyr

• Betalte oppdrag

• Fleksibel arbeidstid som kan kombinerast med studiar eller annan jobb

• Moglegheit til å byggja portfolio og få erfaring innan innhaldsproduksjon og marknadsføring

• Varierte arbeidsoppgåver rundt om i Ryfylke

• Opplæring og oppfølging ved behov

• Eit engasjert nettverk med fokus på utvikling av regionen