Ønskjer du å jobbe som miljøterapeut i turnus med langvakter?

Er du vernepleiar eller sjukepleiar på jakt etter ein meiningsfull jobb der du kan gjera ein forskjell i kvardagen til andre?

Askebærhaugen/Haugen har ledig fast 100 % stilling som miljøterapeut i turnus med langvakter.

Me ser etter ein fagleg trygg og engasjert miljøterapeut. Du er oppteken av meistring, utvikling og sjølvbestemming, og ønskjer å bidra til trygge rammer i tenestemottakarane sin eigen heim.

Habilitering gir tilbod til personar med utviklingshemming og omfattande behov. Me har for tida ca. 128 årsverk som yt heildøgns tenester i 10 burettslag og dagtilbod. Hos oss blir du del av eit engasjert team som jobbar for å skape gode liv og tenester gjennom tryggleik, omsorg og fagleg kvalitet.

Arbeidsoppgåver

• Ansvar for kartlegging, tiltaksplanar, vedtak, journalføring og dokumentasjon.
• Medikamenthandtering.
• Oppfølging og rettleiing i tråd med gjeldande lovverk (Helse- og omsorgstenestelova kap. 9 og Pasient- og brukerrettighetslova kap. 4.
• Praktisk bistand og rettleiing i daglege gjeremål, og tilrettelegging for god omsorg og utvikling for tenestemottakarane.
• Rettleiing av miljøarbeidarar og deltaking i planlegging og gjennomføring av fagmøter.
• Samarbeid internt i tenesta og med ulike instansar, verje og pårørande, samt utføring av delegerte oppgåver frå avdelingsleiar.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunna påreknast.

Kvalifikasjonskrav

• Me søkjer primært etter autorisert vernepleiar eller sjukepleiar. Studentar på 3. studieår i vernepleie- eller sjukepleiarutdanninga er òg velkomne til å søkje.
• Søkjarar med relevant bachelorutdanning innan helse-, sosialfagleg eller pedagogisk retning kan òg bli vurderte. Relevant vidareutdanning, erfaring og kompetanse vil bli vektlagd. 
• Norskferdigheter på nivå B2 i samsvar med nasjonal norskprøve for universitet- og høgskuleutdanna.
• Førarkort klasse B.

Det er ønskeleg at du har:

• Erfaring frå arbeid med personar med utviklingshemming. 
• Erfaring med systematisk og målretta miljøarbeid, samt habilitering.
• Kunnskap om helse- og omsorgstenestelova kapittel 9 og pasient- og brukerrettslova kapittel 4.
• Erfaring og kompetanse i bruk av digitale system. 
• God fysisk form.

Det er krav om gyldig politiattest for teneste hjå personar med utviklingshemming, jfr. Hol §5-4 a.

Personlege eigenskapar

• Du er imøtekommande og venleg, med evne til å skape gode relasjonar.
• Du er sjølvstendig, men samarbeider godt og medverkar til eit positivt arbeidsmiljø.
• Du er løysingsorientert og uredd når krevjande situasjonar oppstår.
• Du likar ein variert og aktiv arbeidskvardag med høg aktivitet og nye oppgåver.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Medlemskap med tilsettegoder i velferdsklubben.

Andre opplysningar:

• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. For denne stillinga oppmodar me spesielt menn til å søkja.
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga og rekrutteringsprosessen, ta kontakt med avdelingsleiar.

Kontaktinformasjon

Sandra Hastrup Thorsheim, Avdelingsleiar, 45970897, thorsheim@bomlo.kommune.no

Arbeidsstad

Leirdalen 1
5430 Bremnes

Nøkkelinformasjon:

Arbeidsgivar: Bømlo kommune

Referansenr.: 5114004711
Stillingsprosent: 100%
Fast
Søknadsfrist: 03.05.2026