Ledige stillingar som barnehagelærar ved Lalm barnehage

Alle barn og unge i Vågå skal oppleve at dei har eit trygt, godt og inkluderande oppvekst- og læ ringsmiljø for å unngå at dei fell utanfor i skule, barnehage og på fritida. Vågå kommune skal ha ein solid kultur for inkludering og fellesskap for alle barn gjennom gode oppvekstvilkår og gode arenaer for læring og utvikling .
(Handlingsplan for førebygging og tidleg innsats i Vågå).

Lalm barnehage er ein tre-avdelingsbarnehage som ligg ca. 12 km øst for Vågåmo sentrum.
Avdelingane er: Humlebolet 1 åringar, Revehiet 2 åringar og Bjørnehiet 3-5 åringar.

For neste barnehageår har vi ledig desse stillingane ved Lalm barnehage:

• Inntil 200% faste barnehagelærarstillingar.

• 200% svangerskapsvikariat som barnehagelærar.

Arbeidsoppgåver

• Vere aktiv i relasjonsarbeidet med barna.

• Ha medansvar for endrings -- og utviklingsarbeid i barnehagen.

• Vere observant, inkludere barn i leik og støtte barna i sosialt samspel.

• Bidra aktivt til eit nært samarbeid mellom heim og barnehage.

• Samarbeide tett med kolleger om å løyse barnehagen sine oppgåver.

• Vere aktiv i planlegging og gjennomføring av leik, aktivitetar og rutinar.

• Gjennomføre foreldresamtaler.

• Arbeide i tett tospann med pedagogisk leiar.

Kvalifikasjonar

• Bachelor som barnehagelærar.

• Kunne kommunisere godt både munnleg og skriftleg.

Personlege eigenskapar Vi verdsett mangfold, ønskjer at du tek ansvar og bidreg i utviklinga av barnehagen.
Vi ser etter ein person som:

• Har evne til å ha ansvar i pedagogisk arbeid i barnegruppa.

• Er ein trygg og god rollemodell for barna i leik og sosialt samspel.

• Har gode samarbeidsevner og kan samarbeide godt i team.

• Kan arbeide sjølvstendig og i lag med andre i arbeid mot felles mål.

• Har eit glødande engasjement for barna.

• Er kunnskapssøkande, oppteken av fagleg utvikling og vidareutvikling av barnehagen.

• Ønskjer å bidra til utvikling gjennom refleksjon og forbetring av praksis.

• Har uteglede og har evne til å inspirere barna i natur og uteaktivitetar.

Vi tilbyr

• Eit godt arbeidsmiljø.

• Kunne påverke eigen arbeidskvardag og barnehagen sin faglege utvikling.

• Fine lokal og uteområde med stor variasjon der barna opplev meistring.

• Lønn etter sentrale avtaler og Vågå kommunes lokale avtaler.

• God pensjonsordning.

Tilsetting skjer på dei vilkår som går fram av dei gjeldande lover, reglar og avtaler.