Rådgjevar – Ansvarleg for læringsplattforma ved HVL

Høgskulen på Vestlandet,ved Avdeling for utvikling av læring og undervisning, har ledig stilling som rådgjevar for læringsplattforma ved HVL

Om stillinga: 

Faggruppa for digital læringsdesign, i Avdeling for utvikling av læring og undervisning, har ledig stilling som ansvarleg for læringsplattforma ved HVL. Faggruppa for digital læringsdesign arbeider for å styrke og utvikle det digitale læringsmiljøet ved å gje studentar og undervisarar tilgang til brukarvennlege digitale løysingar, programvare, plattformer og verktøy til pedagogisk bruk. Gruppa har særleg fokus på korleis digitale verktøy og infrastruktur påverkar studentane si læring og trivsel, og korleis dei bør støtte undervisarane i undervisningskvardagen. Stillinga skal jobbe med digitalisering og læringsteknologi, og vil ha drifts- og koordineringsansvar for høgskulen si læringsplattform. 

Særleg godt kvalifiserte søkjarar kan vurderast som seniorrådgjevar. 

Arbeidsstaden er ved ein av høgskulen sine fem campus.

Ansvars- og arbeidsoppgåver:

• Koordinere tversgåande team for drift, vedlikehald og oppdatering av læringsplattform og tilknytt pedagogisk programvare
• Gje opplæring og brukarstøtte for læringsplattforma Canvas for å sikre eit effektivt og brukarvennleg læringsmiljø for studentar og lærarar
• Bidra til eit godt samspel mellom pedagogisk programvare, læringsplattform og andre digitale system i samarbeid med IT og fakulteta
• Hovudansvarleg for oppdatering og vedlikehald av tilgjengelegheitserklæring for læringsplattforma
• Delta aktivt i å utforske og implementere løysingar for å styrke læringsopplevinga og effektiviteten ved høgskulen
• Systematisk evaluering av teknologiske og pedagogiske ressursar
• Oppfølging mot eksterne aktørar som SIKT og andre leverandørar
• Redaktøransvar for læringsressurs om pedagogiske programvarer

Kvalifikasjonskrav:

Formell utdanning og kompetanse:

• Utdanning på minimum bachelornivå innan IKT-pedagogikk, informatikk, digital læringsdesign eller relaterte felt. Erfaring og relevant realkompetanse kan erstatte delar av utdanningskravet
• Minimum 2 års relevant arbeidserfaring, for eksempel innan høgare utdanning og læringsteknologi
• Sterke skriftlege og munnlege kommunikasjonsevner på norsk og engelsk.

Ønska kvalifikasjoner: 

• Erfaring med prosjektleiing eller koordinering av tverrfaglege prosessar
• Erfaring med opplæring i pedagogisk programvare
• Forståing for korleis teknologi kan brukast til å støtte og forbetre pedagogiske prosessar
• Kjennskap til utvikling og drift av læringsplattformar som Canvas
• Kjennskap til anbodsprosessar og vurdering av teknologiske verktøy og tenester, medrekna kunstig intelligens
• God kjennskap til universell utforming av IKT og brukargrensesnitt
• Kjennskap til UH-sektoren og dei systema som vert nytta der

Personlege eigenskapar:

• Sjølvstendig, proaktiv, og resultatorientert
• Evne til å tilpasse seg endringar og ny teknologi
• Komfortabel med å veksle mellom det operative og det meir langsiktige
• Stor gjennomføringsevne
• Særs gode samarbeidsevner og evne til å byggje relasjonar mellom tekniske og faglege miljø
• Serviceinnstilt og løysingsorientert i møte med brukarar
• Den som blir tilsett må vere personleg egna for stillinga.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som rådgjevar er løna etter Statens lønsregulativ, i stillingskode 1434 - rådgjevar. For særleg godt kvalifiserte søkarar kan stillingskode 1364- seniorrådgjevar vurderast.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er:

Robert Isaksen, avdelingsleder ALU, Karl.Robert.Isaksen@hvl.no, +47 55 58 55 99  

Inkludere, utfordre og samhandle

Les meir på våre heimesider.