Ferievikarar i bu og miljø

Om stillinga

Me treng ferievikarar i perioden 01.06.26 - 30.09.26 ved bu og miljø 

Skriv i søknaden: 

• når du kan byrje i stillinga
• kor lenge du kan jobbe 
• om du ynskjer fri / ferie i løpet sommaren

Bu og miljø gir tenester i bufelleskap, BPA- tiltak og ambulerande tenester. Tenesta har fleire ulike turnusar; døgnvakter, langvakter og 3- delt turnus med dag, sein og natt. 

I turnusane der ein går døgnvakter og langvakter er det lagt opp til lengre friperiodar.

 

Arbeids- og ansvarsområde

Avdelinga yter tenester til menneske med utviklingshemming, andre kognitive funksjonsnedsettingar og til personar med rus- og eller psykiske lidingar.

Me gir tenester i omsorgsbustader med heildøgns bemanning, praktisk bistand i heimen til brukarane, eller som brukarstyrt assistanseordningar (BPA i brukar sin heim).

Tenestemottakarane har av ulik grad av behov for bistand i kvardagen. Me jobbar for å legge til rette for at brukaren er delaktig i eige liv i tillegg til å skape ein meiningsfull kvardag for den enkelte.

Me tilbyr

• bli ein del av ein triveleg arbeidsplass der arbeidsmiljø står i sentrum 
• gode pensjons- og forsikringsordningar 
• løn etter tariff
• tilbod om minimum 6 års tilleggsansiennitet til søkarar med fagbrev / høgskuleutdanning  tilsvarande minimum 6 år ansiennitet 
• studentar under høgskuleutdanning får løn tilsvarande fagarbeidarstilling dersom utdanninga er relevant for stillinga
• sjukepleie- og vernepleiestudentar som har fullført medikamentprøve får i tillegg til tariffløn kr 10 000
• ekstra laurdags- og søndagstillegg (kr 10 per time over tariff)
• gratis inngang til treningsrom i Aurlandshallen 
• gratis inngang til symjehallen 

Sjå gjerne informasjonsbrosjyre om kommunen vår her.

Video: https://www.youtube.com/watch?v=aFXLAnqaUbI

Kvalifikasjonar

For å dekke desse tenestene treng me sjukepleiarar, vernepleiarar, helsefagarbeidarar, miljøterapeutar, studentar og pleiemedarbeidarar / assistentar.

Du vil få god opplæring. Lengda på opplæring varierer i dei ulike tiltaka. 

Det er ynskjeleg at opplæringa blir gjort i forkant av ferieavviklinga, frå 01.06.26. Me legg til rette for opplæring i helgar / feriar, og ettermiddagar.

Personlege eigenskapar

Me legg stor vekt på personlege eigenskapar, og me ynskjer at du;

- har interesse, og er motivert til å gjere ein forskjell i kvardagen til menneske med nedsatt funksjonsevne
- er audmjuk, fleksibel og løysingsorientert
- har evne til samarbeid, og kan kommunisere     godt med pasientar, brukarar og kollegaer
- tek initiativ og er engasjert slik at trivnaden til pasient og brukar       skal bli best mogleg
- har evne til å arbeide både sjølvstendig og i team
- har godt humør og er positiv
- tek nye utfordringar

Våre verdiar er:  L-Æ-R, som står for Likeverd, Ærlegdom og Respekt.  

Løns- og tilsetjingsvilkår

• tilsetting, løn og arbeidsvilkår er i samsvar med gjeldande lover, reglement og tariffavtale
• me ynskjer at du fyller 18 år i løpet av 2026, men yngre søkarar kan også få tilbod om sommarjobb
• me vil prøve å imøtekome ynskje om arbeidsstad og arbeidstid så langt det let seg gjere
• du må levere ny politiattest etter helsepersonellova før du kan byrje i sommarjobben.
• førarkort klasse B 

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Treng du hjelp i samband med søknaden, ta kontakt med Jobbnorge på telefon +47 75 54 22 20, mandag til fredag mellom kl. 08.00-16.00, eller send E-post til support@grade.no. Du vil få raskt svar, og veldig god hjelp av hyggelege medarbeidarar.

NB! Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.

Me ynskjer deg velkomen som arbeidssøkar i Aurland kommune.

Sommarjobb i vest 2026: #Sommarjobb #Sommarjobbivest #Sommerjobbivest