Kulturskulelærar(ar)

 

Kulturskulane i Valdres samarbeider tett for å gje optimale tilhøve for lærarane. No har Vestre Slidre kulturskule (VSK) og Nord-Aurdal kulturskole (NAK) ledig stilling i kunstfag, langeleik og toradar.

VSK er ein kulturskule med høgt engasjement og stor oppslutnad blant innbyggjarane. Det tette samarbeidet med grunnskulen gjer at vi kan ha mykje av undervisninga på dagtid, og at ein — i tillegg til det ein tradisjonelt ser føre seg med «kunstfag» — også har tilgang til keramikkomn, 3D‑printer, stor vinylkuttar og varmepresse.

NAK er den største kulturskulen i Valdres, med nye, moderne lokale sentralt plasserte i regionsenteret Fagernes. Begge skulane opplever å vere høgt prioriterte i eigen kommune. Kunstfaget i NAK er utstyrt etter meir tradisjonelle forventningar, men skulen er open for å prøve ut nye retningar i faget.

 

Vi treng lærarar til eit breitt spekter aktivitetar, så det er truleg aktuelt å tilsetje i fleire mindre stillingar. Hugs å oppgje i søknaden kva aktivitetar du ser føre deg å dekkje.

Vi treng lærar(ar) til:

• Kunstfag i ca. 40% (VSK 7,69 %, NAK 33,33 %)
• Langeleik i ca. 10% (VSK 3,85 %, NAK 5,98 %)
• Torader i ca. 11% (VSK)
• Kultur-SFO for 1.–2. klasse – med ein relativt fast aktivitet etter eige val i 3,85% (VSK). Her treng vi ein lærar i fast stilling og ein lærar i vikariat.
• Andre kulturskulefag som måtte bli aktuelle

 

Arbeidsoppgåver

• Undervisning med tilhøyrande førebuing og oppfølging
• Konsertar og utstillingar
• Samarbeid på tvers av fag når det er tenleg.

Kvalifikasjonar

• Du må ha nødvendig kompetanse for arbeidsoppgåvene.
• Høgare pedagogisk og/eller kunstfagleg utdanning er ein fordel.
• God erfaring kan kompensere for manglande utdanning.

Personlege eigenskapar

• Du er engasjert i faget ditt/faga dine.
• Du er ansvarsbevisst og samvitsfull.
• Du blir glad når ungar veks gjennom gode opplevingar og meistring.
• Du har evne til å vurdere og utvikle eigen pedagogisk praksis.

Personlege eigenskapar vil bli vektlagde.

Vi tilbyr

• Ein jobb der du betyr ein positiv forskjell for elevane
• Gode pensjons- og forsikringsordningar 

Om du får ei stilling med undervisning i både Nord-Aurdal og Vestre Slidre, kan det vere aktuelt å vurdere kva kommune som skal gjere den endelege tilsetjinga.

Kontaktinformasjon

Gudbrand Silvet Heiene, Avdelingsleiar kultur, +47 41335496

Arbeidsstad

Slidrevegen 15
2966 Slidre

Nøkkelinformasjon:

Arbeidsgivar: Vestre Slidre kommune

Referansenr.: 5081341634
Stillingsprosent: 40, 10, 11, 3,85%
Fast, Vikar
Startdato: 01.08.2026
Søknadsfrist: 11.03.2026