Psykolog eller psykologfagleg rådgjevar

Interkommunal PPT for Hareid, Herøy, Ulstein, Volda og Ørsta har ledig ei 80-100% fast stilling som psykolog eller psykologfagleg PP-rådgivar med oppstart så snart som råd. Tenesta sine arbeidsoppgåver er heimla i opplæringslovverk og skal hjelpe skular og barnehagar i arbeidet med kompetanse- og oranisasjonsutvikling for å legge opplæring betre til rette for elevar med særlege behov. Tenesta skal sørge for at det vert utarbeidd sakkunnig vurdering der lova krev det.

Vi ønskjer oss ein engasjert kollega som brenn for forebygging og tverrfagleg samarbeid og som har lyst å jobbe i teamet for ungdom, vidaregåande og vaksenopplæring.

Arbeidsoppgåvene er i hovudsak knytt til Herøy, Ulstein, Volda og Ørsta vidaregåande skular i tett samarbeid med andre aktuelle tenester. PPT sitt mandat vil ligge til grunn for korleis psykolog/psykologfagleg rådgjevar skal arbeide på sitt fagområde.

Arbeidsoppgåver

• Helsefremjande og førebyggjande arbeid primært knytt til ungdom som målgruppe
• Observasjon, kartlegging, rettleiing og utgreiing på system og individnivå
• Tverrfagleg samarbeid og utviklingsarbeid på systemnivå
• Bidra med psykologfagleg kunnskap til brukarar, føresette og andre tenesteutøvarar
• Rettleiing, konsultasjon og undervisning
• Bidra i sakkunnig arbeid etter opplæringslova
• Kompetanse- og utviklingsarbeid i eigen organisasjon

Kvalifikasjonar

• Norsk autorisasjon som psykolog/psykologspesialist eller master i psykologi til dømes innan studieretningar som samfunnspsykologi, arbeids- og organisasjonspsykologi, generell psykologi eller læring- hjerne og åtferd.
• Anna relevant utdanning  kombinert med psykologfagleg erfaring kan gjere søkjaren kvalifisert for stillinga.
• Rettleiingskompetanse
• Engasjement for tidleg innsats og tverrfagleg samarbeid
• Erfaring med systemarbeid i små og større organisasjonar
• Relevant kompetanse og/eller erfaring med tidleg intervensjon, førebygging og helsefremjande arbeid knytt til psykisk helse
• Gode samarbeidsevner og evne til å jobbe strukturert og sjølvstendig
• God skriftleg kompetanse og digitale ferdigheiter. Ulstein kommune har nynorsk som administrasjonsspråk
• Førerkort klasse-B

Personlege eigenskapar

• Vi ønskjer oss ein kollega som brenn for forebygging, er fagleg engasjert og pålitelig
• Du er trygg og skaper gode samarbeidsrelasjonar
• Du likar å jobbe saman med andre med ulik fagbakgrunn
• Du bidreg aktivt til refleksjon, nyskaping og forbedring i smått og stort
• Du er løysingsorientert og jobbar kunnskaps- og forskingsbasert
• Du er endringsvillig, fleksibel og er villig til å omprioritere arbeidet når det krevst

Vi tilbyr

• Ei spanande stilling der du får ei viktig rolle i å utvikle psykologfunksjonen/rådgjevarfunksjonen i PPT, spesielt retta inn mot ungdom og vidaregåande opplæring!
• Eit stort fagmiljø med svært høgt fagleg engasjement og fokus på kolletiv kompetanseutvikling
• Deltaking i nettverk for PPT- psykologar/rådgjevarar i Møre og Romsdal fylke
• Ein arbeidsplass som er i utvikling og dialog med over 90 einingar i kommunar og fylkeskommunen
• Tilrettelegging for spesialisering for psykologar som har behov for dette
• Tilsetting skjer på kommunale vilkår med mellom anna fleksitidsordning og gode pensjons- og forsikringsordningar
• Løn etter avtale

Søkjarar vil bli kontakta fortløpande for intervju, søknadsfrist kan bli forlenga.

Kontaktinformasjon

Nina Garshol, PPT leiar, +47 99649870

Arbeidsstad

Vikemyra 1
6065 ULSTEINVIK

Nøkkelinformasjon:

Arbeidsgivar: Oppvekst og kulturetaten

Referansenr.: 5078207123
Stillingsprosent: 100%
Fast
Søknadsfrist: 10.03.2026