Vil du vera med å setje spor i kulturlivet i Hallingdal?

Brenn du for å gje gode kulturopplevingar, og vil vere med oss å skape nye samarbeidsarenaer og nettverk? Då er denne jobben noko for deg!

Hallingdalskommunane er no på jakt etter ein drivande dyktig prosjektkoordinator i eit engasjement på inntil 50 % over ein periode på 18 månader, med moglegheit for at det kan forlengast etter avslutta prosjekt. Ål kommune er vertskommune i Hallingdal og eigar av prosjektet.

Hovudmålet med dette prosjektet er å vidareføre arbeidet som allereie er gjort med å mobilisere og koordinere for å tryggja ei berekraftig framtid for den særeigne tradisjonskulturen i Hallingdal. Som prosjektkoordinator skal du leie arbeidet med å lyfte fram den sterke Hallingdalstradisjonen og vere med på å setje regionen på kartet både nasjonalt og internasjonalt. Me søkjer etter ein som kan utvikle vidare det grunnarbeidet som allereie er gjort; ta det med vidare til neste steg. Her er det moglegheit for å skape ein eigen arbeidsplass som vil setje preg i regionen i mange år framover.

Prosjektkoordinatoren vil ha arbeidsstad i arrangements- og kulturbygda Ål, med kontorplass på Tingstugu. Stillinga ligg under kultursektoren og det er Kommunalsjef kultur som representerar prosjektet og eigarskapet på vegne av Ål kommune.

I tillegg er det eit godt fagmiljø, både i kommunen og elles i Hallingdal, der til dømes Sprang vil vera ein god støttespelar i utviklingsarbeidet for tradisjonskulturen frå Hallingdal. Hallingdal ligg godt plassert midt i Sør-Noreg, med gode forbindelsar og kort reiseveg både aust- og vestover.

Hjå oss finn du ein godt forankra kulturpolitikk, mange arrangement, kulturhus med 30 000 besøkande per år, ein høgmoderne dansescene spesiallaga for folkemusikk og -dans, Folkemusikkveka, Leveld Kunstnartun AiR, Storhelg i Hallingdal og mykji meir!

• Samarbeide med ulike aktørar innan feltet i regionen Hallingdal som til dømes frivillige spel- og dansarlag.
• Søke om offentlege midlar, samarbeide med lokale og regionale sponsorar, for å sikre varig finansiering av prosjektet. 
• Sikre ein berekraftig struktur som trygger kontinuitet og vekst for folkemusikkmiljøet i Hallingdal.
• Regelmessig rapportering til kommunane i Hallingdal og andre finansierings- og samarbeidsorgan i lag med kommunalsjef kultur.
• Starte samarbeidsprosjekt med lokale kultur- og utdanningsinstitusjonar.

• Utdanning eller erfaring frå kulturfeltet.
• Erfaring frå prosjektmetodikk- og gjennomføring.
• Solid økonomiforståing og ein evne til å skape struktur.
• Erfaring frå drift og leiing av prosjekt er ynskja.
• God skriftleg og munnleg framstillingsevne.

• Likar å skrive søknadar, jobbe strukturert, samle og vidareformidle.
• Elskar fargekoda Excel-skjema, systematisk arbeid og overblikk.
• Er god på relasjonar.
• Er ein teambyggjer og lagspelar.
• Er engasjert, kreativ og utviklingsorientert.
• Evnar å tenke langsiktig og strategisk.
• Du må vera strukturert og sjølvdreven.

Det vil bli lagt stor vekt på personlege eigenskapar.

• Ein unik jobbmoglegheit i ei sterk kulturkommune.
• Fleksibel og variert arbeidskvardag.
• Eit godt og fagleg kompetent team og støtteapparat med vilje til utvikling, som vil vera med å gje både forankring, nettverk og motivasjon.
• Eit sterkt og mangfaldig tradisjonsmiljø med stort spenn i utøvarar, aktivitetar og uttrykk.
• Høve til å setje ditt stempel på noko som skal vera levedyktig for all framtid.
• Høve til å utvikle din eigen arbeidsplass, også etter endt prosjektperiode.
• Gode pensjons- og forsikringsordningar regulert av Hovedtariffavtala.
• Lønn etter avtale. 

• Vitnemål og attestar legg du inn i lag med søknaden.
• Kommunen følgjer offentleglova §25 ved eventuell offentleggjering av søkjarlista.
• Intervju vil skje løpande gjennom søknadsprosessen.

Ta gjerne kontakt med oss.