Postdoktor i molekylær parasitologi og fiskeimmunologi

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Postdoktorstilling

Ved Institutt for biovitenskap er det ledig ei stilling som postdoktor i molekylær parasitologi og fiskeimmunologi. Stillinga er for ein åremålsperiode på 3 år, er finansiert av UiB og vil mellom anna vere knytt til det NFR-finansierte prosjektet naNoLice som er et samarbeidsprosjekt mellom UiB og SINTEF.

Om prosjektet/arbeidsoppgåver:

Lakselus er i dag hovudutfordringa til laksenæringa, då den gjev dårlegare levekår både for vill og oppdrettet laksefisk. Ved Lakselussenteret har vi i mange år karakterisert ei rekkje protein som ser ut til å vere viktig i laks-lakselus-interaksjonen, og hovudmålet med prosjektet er å undersøkje om det er mogleg å nytte desse proteina inn i ei DNA eller RNA-vaksine mot lakselus. I prosjektet skal også nanopartiklar testast for deira evne til å forbetre transfeksjonseffektiviteten, vaksinestabiliteten og mukosale antistoffresponsar etter vaksinering. Prosjektet vil dermed ikkje berre vere retta mot lakselus, men har og eit potensiale til generelt å kunne auke kunnskapen rundt bruken av nanopartiklar ved nukleinsyre-baserte vaksiner mot mukosale patogen. Postdoktoren vil høyre til forskingsgruppa Lakselusgruppa, der vi er mange med lang og brei erfaring med lakselus. Her vil det også vere høve til å inngå i anna forskingsaktivitet retta mot lakselus.

Kvalifikasjonar og eigenskapar:

• Søkjarar må ha oppnådd ein grad tilsvarande ein norsk doktorgrad (PhD) innanfor fiskehelse,
  molekylærbiologi, cellebiologi eller biologi eller ha levert doktoravhandlinga si til vurdering innan
  søknadsfristen er ute. Det er ein føresetnad at doktorgraden er oppnådd før tilsetjing kan skje.
• Erfaring frå molekylærbiologisk laboratoria er eit krav
• Erfaring med celledyrking, nanoteknologi, immunologi, vaksineutvikling, fisk og/eller lakselus er
  ein føremon
• Søkjarar må kunne arbeide sjølvstendig, strukturert og ha gode samarbeidsevner.
• Søkjarar må ha gode engelskkunnskapar, skriftleg og munnleg.Personlege og mellommenneskelege eigenskapar vil bli lagt vekt på. Forskingserfaring, ambisjonar og
  potensial vil også telle ved vurdering av kandidatane.

Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til
stillinga.

Om postdoktorstillinga:

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskaplege toppstillingar. Om den som vert tilsett manglar undervisningserfaring og/eller annan kvalifiseringskompetanse, kan det verte aktuelt å auke tilsetjingsperioden til 3 år og 3 månader. Undervisning og anna kvalifiserande arbeid for instituttet vil i så høve bli lagt til som oppgåver i stillinga. Dei ekstra månadene vert finansierte av instituttet. Stillinga vil kunne bli forlenga med inntil eitt år dersom kandidaten får innvilga forskingsopphald i utlandet frå eksterne kjelder (maks fire år totalt). Ingen kan tilsetjast i meir enn éin åremålsperiode som postdoktor ved same institusjon.

Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Det er ein føresetnad at den som blir tilsett gjennomfører prosjektet i løpet av tilsetjingsperioden.

Vi tilbyr:

• Eit godt og fagleg stimulerande arbeidsmiljø
• Tilsetjing som postdoktor (kode 1352) i lønsregulativet til staten. Dette utgjer ei årsløn på kr. 657 000. Vidare opprykk skjer etter stillingsansiennitet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om forskingsinteresser og motivasjonen for å søkje stillinga
• Ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane.
• Namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
• CV
• Karakterutskrifter og vitnemål. Dersom du enno ikkje har fullført doktorgraden må du levere ei stadfesting på at avhandlinga er levert.
• Relevante attestar
• Liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til førsteamanuensis Aina-Cathrine Øvergård, Institutt for biovitenskap, tlf +47 55584464 eller professor Frank Nilsen, Institutt for biovitenskap, +47 55584412.

For HR-relaterte spørsmål ta kontakt med rådgiver Magnus Skogstad, seksjon for HR, +47 55583669.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.