Avdelingsleiar Frekhaug - Habiliteringstenesta 

Om stillinga

Vil du vere med å forme framtida for tenestene våre – og skape eit fagmiljø som gjer ein forskjell?

Er du ein person som har engasjement for utvikling, som ser potensialet i menneske og miljø, og som ikkje er redd for å ta initiativ? Då er dette jobben for deg!

Som avdelingsleiar får du ei nøkkelrolle i å byggje vidare på eit fagmiljø prega av kvalitet, samarbeid og vekst. Du vil vere ein pådrivar i oppstart og planlegging, og bidra til å forme ei avdeling der både tilsette og tenester får utvikle seg.

Stillinga er nyoppretta og rapporterer direkte til einingsleiar. Som avdelingsleiar får du personal- og fagansvar for di avdeling, men ikkje det heilskaplege ansvaret. Du kan òg få delegert oppgåver innan til dømes økonomi og HMS. Ved ferieavvikling eller kortvarig fråvær kan ansvarsområdet bli justert, og ved lengre fråvær av einingsleiar kan moglegheit for konstituering opne seg i tråd med HTA § 13.4.

Du blir ein del av leiargruppa i avdelinga – eit team som står saman for å skape gode løysingar. Her jobbar me tett og målretta for å sikre tenester som er likeverdige, berekraftige og av høg kvalitet.

Stillinga er ei dagstilling med fleksitid (37,5 t/v) med stor grad av autonomi i korleis du løyser arbeidskvardagen. 

Som avdelingsleiar skal du, saman med einingsleiar, vere med å utvikle tenesta og byggje ein felles kultur. Du er initiativrik og har engasjement for det einskilde menneske i utvikling. Du liker å ta ansvar i oppstart og planlegging, og vere ein pådrivar for å skape eit fagmiljø som er prega av kvalitet, samarbeid og engasjement. 

Er du klar til å ta ansvar, skape utvikling slik at me står rusta for framtida? Då vil me gjerne høyre frå deg!

Om oss 

Habiliteringstenesta gjev tenester i heimen til tenestemottakarane, med hovudvekt på vernepleiarfagleg arbeid i form av rettleiing, råd og hjelp, samt helsehjelp til mennesker med funksjonsvariasjonar. Me rettar fokuset på det einskilde menneske i utvikling. Målet er å gje gode og tilpassa tenester til kvar og ein. Ambisjonane er å bli best på tenesteyting til målgruppa. Hjå oss er det eit tverrfagleg miljø.

Avdelinga er ny etter kommunesamanslåinga i 2020, og er i stadig utvikling og vekst. Det er kort reiseveg frå Åsane og berre 2 minutters køyring frå Nordhordlandsbrua. Det er gode kollektivforbindelsar, samt at bussen stoppar like ved.

Arbeidsoppgåver

• Ansvar for dagleg drift 
• Personalansvar 
• Saman med einingsleiar ha ansvar for å sikre at kvaliteten på tenestene er innanfor ramma av dei ressursane avdelinga disponerer.
• Ansvarleg for at avdelinga arbeidar etter kommunen sine fag- og kvalitetssystem
• Gjennomføre internkontrolltiltak innanfor fagområdet
• Sørge for naudsynt fagleg samordning på tvers av linjeorganiseringa
• Ansvarleg for at dei tilsette samla sett har tilstrekkeleg og relevant kompetanse
• Ta initiativ til og gjennomføre fagleg forbetrings- og utviklingsarbeid
• Ansvarleg for ei brukar- og serviceorientert utvikling av tenester i fagområdet
• Sikre god løpande dialog med brukarar og pårørande

Kompetanse

• Autorisert vernepleiar. Sjukepleiar med relevant erfaring frå tenesteområdet kan og bli vurdert.
• Relevant arbeidserfaring som leiar med personalansvar
• Arbeidserfaring for mennesker med funksjonsvariasjonar og målretta miljøarbeid
• Gode digitale ferdigheiter og kjennskap til digitale dokumentasjonsverktøy
• Gode norskkunnskapar, munnleg og skriftleg
• Førarkort klasse B

Det er eit føremon dersom du har: 

• Veiledarkompetanse
• Relevant leiarutdanning
• Innsikt i korleis kommunale tenester er organisert og erfaring med kommunale fagsystem
• Erfaring med HOL Kap.9
• Erfaring med psykisk helsearbeid

Kven er du?

• Er trygg i deg sjølv, handterer krevjande situasjonar med ro og tydelegheit, og tek kloke avgjerder under press
• Har gode kommunikasjonsevner og relasjonelle ferdigheiter, og evne til å skapa tillit
• Ser moglegheiter der andre ser utfordringar
• Kan reflektera etisk og fagleg over komplekse problemstillingar 
• Er fleksibel og løysingsorientert
• Evnen til å prioritere arbeidsoppgåver 
• Evner å inspirere og motivere 
• Du har gode samarbeidsevner, men kan og arbeide sjølvstendig

Me treng deg som kjem inn og ser utviklingspotensialet i avdelinga. Det er viktig at du er trygg i deg sjølv, og handterer krevjande situasjonar med ro og tålmod.Du er initiativrik og har engasjement for det einskilde menneske i utvikling. Du har gode samarbeidsevner, og evner å tilpasse deg situasjoner etter behov. 

Dei personlege eigenskapar ovanfor vil bli lagt stor vekt på.

Me tilbyr

• Fagleg og personleg utvikling
• Leiaropplæring
• Høg kompetanse i avdelinga med stort fokus på kvalitet i tenesta
• Dedikerte kollegaer som har brukar i fokus
• Allsidig og lærerikt arbeidsmiljø
• Løn: Etter avtale
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og me får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.