Helsefagarbeider - 50% fast natt

Om stillinga

Me søkjer ein engasjert og fagleg interessert helsefagarbeidarar, og inviterer deg inn i  vår flotte personalgruppe. Stillinga er knytt til tenesteyting på natt i heimen til menneske med nedsett funksjonsevne. 50 % fast stilling som nattevakt med arbeid 3.kvar helg. Stillinga er ledig frå 01.07.2026.

Om oss 

Hannesvegen bustader ligg sentralt på Manger, og er ei avdelinga som består av fleire bustadgrupper.  Tenestemottakarane har ulikt funksjonsnivå og hjelpebehov. 

Målet er å gje tenester av god kvaltiet for å sikre ein best mogeleg kvardag for den einskilde. Arbeidsmiljøet er prega av sterkt engasjement for tenestemottakarane, og dyktige medarbeidarar som har omsorg for både tenestemottakarane og kvarandre. 

Hjå oss arbeider det vernepleiarar, miljøterapeutar, hjelpepleiar/helsefagarbeidarar, fagarbeidarar og assistentar. 

Arbeidsoppgåver

• Helsehjelp og praktisk bistand etter gjeldande rutiner
• Tilsyn
• Dokumentere i elektronisk journalsystem og nytte andre aktuelle fagsystem.
• Medikamenthandtering 
• Følgje opp vedtak etter helse og omsorgslova kap.9 
• Samarbeide med aktuelle samarbeidspartnarar.

Kvalifikasjonskrav

• Offentleg godkjend helsefagarbeidar/ hjelpepleiar. 
• God norsk munnleg og skriftleg framstillingsevne. 
• Sertifikat klasse B

Ønska kompetanse

• Erfaring frå arbeid i tenesteyting til mennesker med nedsett funksjonsevne.
• Erfaring med målretta miljøarbeid.

Kven er du?

• Du har gode relasjonelle ferdigheiter og evne til å skapa tillit over tid.
• Er tygg i deg sjølv, handterer krevjande situasjonar med ro og tydelegheit, og tek kloke avgjerder under press. 
• Har gode kommunikasjonsevner og ser betydninga av både små og store augneblinkar i relasjonsbygging.
• Ser moglegheiter der andre ser utfordringar.
• Har evnte til etisk og fagleg refleksjon
• Har interesse og engasjement for brukargruppa.
• Er fleksibel og løysingsorientert

Vi søkjer deg som trivast med å arbeide på natta, når kroppen vanlegvis er innstilt på søvn. Du som evner å vere sjølvstendig og handlekraftig, og skape tryggleik for våre tenestemottakarar. 

Dei personleg eigenskapar ovanfor vil bli lagt stor vekt på.

Me tilbyr

• Ein meiningsfull jobb der du kan gjera ein konkret forskjell i livet til andre.
• Oppfølging og rettleiing
• Årsturnus med moghegheit for innspel på arbeidstid
• Moglegheit til å utvikla ferdigheitene dine i arbeid med relasjonar, sjølvstende og tilhøyrsel
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.