Trommelærar Vinje kulturskule – Vikariat – 20%

Vinje kulturskule søkjer ein engasjert og pedagogisk trommelærar i 25 % vikarstilling for hausten 2026, med moglegheit for forlenging. Kulturskulen er ein viktig arena for skaparglede, meistring og fellesskap for born og unge i kommunen. Som trommelærar vil du møte elevar i alderen 6–18 år og få høve til å bidra inn i eit aktivt og utviklingsorientert fagmiljø.

Stillinga er i hovudsak knytt til individuelt undervisningsarbeid, men samspel er ein naturleg og viktig del av undervisninga i Vinje kulturskule. Du vil samarbeide med andre instrumentlærarar og vere med på å utvikle elevane sine musikalske dugleikar gjennom samspel, konsertar og deltaking på arrangement som UKM (Ung kultur møtast). Me ser etter deg som ynskjer å bidra til eit inkluderande læringsmiljø og som ser verdien av kulturskulen som ein viktig møteplass for born og unge.

Arbeidsoppgåver

• Planleggje og gjennomføre undervisning i trommer for elevar i alderen 6–18 år
• Tilpasse undervisninga til den enkelte elev sitt nivå og behov
• Delta i og bidra til samspelundervisning saman med andre lærarar i kulturskulen
• Motivere elevane til fagleg utvikling, meistring og musikkglede
• Følgje opp elevar fram mot konsertar og andre arrangement
• Bidra inn mot UKM og andre prosjekt i regi av kulturskulen
• Samarbeide med føresette ved behov
• Delta på personalmøte og utviklingsarbeid i kulturskulen

Kvalifikasjonar

• Relevant pedagogisk utdanning er ynskjeleg
• Musikkfagleg utdanning innan trommer/perkusjon er ynskjeleg
• Relevant erfaring kan kompensere for manglande formell musikkutdanning
• Erfaring frå undervisning eller arbeid med born og unge er ein fordel
• Interesse for og erfaring med samspel og ensemblearbeid er ynskjeleg
• Førarkort klasse B og disponering av eigen bil er eit krav
• Gyldig politiattest må leggjast fram før tiltreding
• Stillinga følgjer arbeidstidsavtalen SFS 2213

Personlege eigenskapar

• Du er fagleg dyktig og trygg i rollen som trommelærar
• Du er pedagogisk og har gode relasjonelle dugleikar i møte med born og unge
• Du er engasjert og motiverande
• Du samarbeider godt med kollegaer på tvers av fagområde
• Du arbeider sjølvstendig og tek ansvar for eiga undervisning
• Du er fleksibel og løysingsorientert
• Du bidreg positivt til arbeidsmiljøet og til utviklinga av kulturskulen

Me legg vekt på personlege eigenskapar ved tilsetjing.

Me tilbyr

• Ei meiningsfull stilling i ein kulturskule med høge ambisjonar på elevane sine vegner
• Eit inkluderande og imøtekomande kollegium med god kultur for samarbeid.
• Moglegheit til å samarbeide på tvers av kunst- og fagområde
• Fast møtearena kvar veke, med fokus på fagutvikling, utviklingsarbeid og teambuilding
• Ein arbeidsplass som aktivt bidreg til kultur- og oppvekstarbeid i lokalsamfunnet
• Høve til å vere med og vidareutvikle ein kulturskule med lågterskel kulturtilbod for born og unge
• Løn etter gjeldande avtaleverk
• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar

Vinje kommune nyttar nynorsk som offisielt skriftspråk.
I samsvar med offentleglova § 25 kan namn på søkjarane offentleggjerast. 

For stillingar der det er krav om politiattest, må godkjend attest leggast fram før tilsetting.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Bur du i Vinje kommune kan du søkje om å få sletta studielånet. Sjå lånekassa for vilkår.

 

 

Kontaktinformasjon

Kristian W. Rantala, Verksemdsleiar kultur og fritid, 94983823, kristian.rantala@vinje.kommune.no

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 5154514539
Stillingsprosent: 20%
Vikar
Startdato: 17.08.2026
Sluttdato: 31.12.2026
Søknadsfrist: 09.08.2026