Kommunalsjef for teknisk drift og infrastruktur - 100 % fast

Me søkjer ein samlande og tydeleg leiar som kommunalsjef innan teknisk drift og infrastruktur.

Kommunalsjefen inngår i kommunedirektøren si strategiske leiargruppe og har eit overordna ansvar for drift, utvikling og vidareutvikling av kommunen sitt tenesteområde innan teknisk drift og infrastruktur. Stillinga føresett eit godt samspel og samhandling på tvers av fagområde og kommunale tenester. Di næraste leiargruppe omfattar verksemdsleiar for reinhald og avdelingsleiarane for drift og veg, vatn og avlaup.

Tenesteområdet omfattar forvalting, drift og vedlikehald av sentrale samfunnskritiske funksjonar, mellom anna vatn, avløp og overvatn, kommunale vegar, grøntareal, bygg, anlegg og annan kommunal eigedom. I tillegg ligg ansvar for prosjektleiing av investeringsprosjekt innanfor kommunalområdet sine fagområde, samt forvalting og oppfølging av relevant lovverk innan mellom anna forureining, veg og plan og bygg.

Teknisk drift og infrastruktur leverer grunnleggjande innbyggjartenester som har stor betydning for kvardagen til innbyggjarane og for næringslivet i kommunen. Tenestene skal sikre trygt drikkevatn, gode avløpsløysingar, framkomelege og trygge vegar, samt funksjonelle bygg og uteområde. Kommunalområdet har ei sentral rolle i å leggje til rette for utvikling av lokalsamfunnet, berekraftig ressursforvaltning og effektiv drift av kommunen sine eigedomar og anlegg. Vinje kommune arbeider aktivt med å vidareutvikle framtidsretta tekniske tenester, og ynskjer å ta i bruk digitale løysingar og smart teknologi for å styrkje kvalitet, effektivitet og berekraft i tenestene.

Vinje kommune ynskjer meistringsorienterte leiarar som legg vekt på indre motivasjon, læring og utvikling ut frå medarbeidarane sine individuelle føresetnader. Hjå oss ønskjer me at kommunens leiing skal legge til rette for digitalisering og smart teknologi, ein organisasjons- og arbeidskultur som fremmer gode arbeidsprosessar, godt medarbeidarskap og læring, forbetring og innovasjon.

Arbeidsoppgåver

• Leie og vidareutvikle sektoren i tråd med kommunen sine mål og strategiar
• Sikre god økonomistyring, effektiv drift og høg kvalitet i tenestene
• Vere ein pådrivar for berekraftig samfunnsutvikling og gode utviklingsprosessar
• Leggje til rette for godt samarbeid internt i organisasjonen og med eksterne aktørar
• Ivareta arbeidsgjevaransvaret, utvikle medarbeidarane og bidra til ein sterk leiar- og organisasjonskultur
• Ta aktiv del i kommunen sitt strategiske utviklingsarbeid
• Drive fram utviklingsarbeid og digitalisering som styrkjer effektivitet, kvalitet og innovasjon i tenesten

Kvalifikasjonar (overskrift)

• Relevant høgare utdanning, minimum på bachelornivå, innan fagområde som samfunnsplanlegging, tekniske fag, vatn og avlaup eller tilsvarande.
• Relevant leiarutdanning. Lang og relevant leiarerfaring kan kompensere for (leiar)utdanningskravet.
• God forståing for offentleg forvaltning, politiske prosessar og gjeldande lov- og avtaleverk.
• Erfaring frå kommunal sektor er ein stor fordel.
• God digital kompetanse og evne til å drive utvikling.
• Gode munnlege og skriftlege kommunikasjonsevner på norsk.
• Det er ønskjeleg med erfaring frå leiing av omstillings-, endrings- og utviklingsprosessar.
  

• Tydeleg og relasjonssterk leiar
• Strategisk og utviklingsorientert
• Byggjer tillit, skapar gode relasjonar og samarbeider godt på tvers av organisasjonen, politisk nivå og med eksterne aktørar
• Strukturert, resultatorientert og med sterk gjennomføringsevne
• Har evne til å motivere, involvere og skape tillit

 

Me legg vekt på personlege eigenskapar ved tilsetjing.

• Lønsspennet til stillinga er mellom 1.000.000- 1.200.000 (avhengig av utdanning og erfaring)
• Ei sentral og samfunnsviktig leiarstilling med stor påverknad på utviklinga av Vinje kommune
• Korte avstandar og gode høve for samarbeid på tvers av fagområde og nivå
• Gode pensjons- og forsikringsordningar
• Eiga introduksjonsprogram for nytilsette.
• Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

For stillingar der det er krav om politiattest, må godkjend attest leggast fram før tilsetting.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Bur du i Vinje kommune kan du få sletta studiegjeld med kr 25000 pr. år. Sjå lånekassa for vilkår.

Kontaktinformasjon

Jan Myrekrok, Kommunedirektør

Arbeidsstad

Vinjevegen 192
3890 VINJE

Nøkkelinformasjon:

Arbeidsgivar: Vinje kommune

Referansenr.: 5145026467
Stillingsprosent: 100%
Fast
Startdato: 01.12.2026
Søknadsfrist: 09.08.2026