Undervisning på helse-og oppvekstfag og barne- og ungdomsarbeidar/ helsefagarbeidar fast og vikariat

Skulen har om lag 500 elevar. Vi tilbyr programfagområda helse- og oppvekstfag, studiespesialiserande og kunst, design og arkitektur. I tillegg til vårt tilbod i helse- og oppvekstfag med ordinært opplæringstilbod har vi tilbod om helse- og oppvekstfag som inkluderer studiespesialiserande fag. Innanfor særskilt tilrettelagt opplæring har vi tilbod om kvardagslivstrening, arbeidstrening og yrkesfagleg grunnutdanning.
Olsvikåsen videregående skole ligg vakkert plassert ved  foten av Lyderhorn, sentralt i Bergen vest og med  gode busstilbod til Askøy, Sotra og Bergen. Skulen legg vinn på å vere framtidsretta, samfunnsorientert og fagleg oppdatert og vi siktar oss heile tida inn på å ha eit trygt og utviklande lærings- og arbeidsmiljø.

På Olsvikåsen vgs er nærleik er eit kjerneomgrep. Det er kort veg mellom alle instansar på skulen vår. Det skal vere lett å få kontakt med den ein treng og ein skal bli møtt med respekt og få god oppfølging. Vi skal ha tette og nære relasjonar til kvar enkelt elev og ei god kollegial lagånd der vi raust deler med kvarandre og verdset eit godt samarbeid.

Du kan lese meir om oss her.

Arbeidsoppgåver

Undervisning på helse-og oppvekstfag og barne- og ungdomsarbeidar/ helsefagarbeidar

• Inntil 2 undervisningsstillingar i 100% - fast
• Årsvikariat i 100% undervisningsstilling

Kvalifikasjonar

Forskrift til opplæringslova § 12-8 skildrar krav for å bli tilsett i lærarstilling i programfag på yrkesfaglege utdanningsprogram i den vidaregåande opplæringa. Fylkeskommunen skal sørgje for at dei som skal tilsettast oppfyller eitt av desse krava:

a) Du har yrkesfaglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning

b) Du har universitets- eller høgskoleutdanning som samla utgjer minst 180 studiepoeng, inklusive pedagogisk utdanning etter § 12-1. Du som har slik utdanning, kan tilsettast for å undervise i fag der du har minst 60 studiepoeng relevant utdanning

c) Du har faglærarutdanning. Du som har slik utdanning, kan tilsettast for å undervise i fag der du har minst 60 studiepoeng relevant utdanning

d) Du har fag- eller sveinebrev eller bestått anna yrkesfagleg vidaregåande opplæring. I tillegg må du ha to års yrkesteoretisk utdanning utover vidaregåande skolenivå og fire års yrkespraksis etter fullført vidaregåande opplæring. Slik bakgrunn kvalifiserer for tilsetting i fag som utdanninga eller bakgrunnen er relevant for. Det krevst også pedagogisk utdanning i samsvar med § 12-1

e) Du har lærarutdanning med spesialpedagogisk utdanning tilsvarande minst 60 studiepoeng. Du som har slik utdanning, kan tilsettast for å gi individuelt tilrettelagd opplæring eller dersom det er ønskjeleg ut frå behova til elevane

Dei som ved opptak til praktisk-pedagogisk utdanning for yrkesfag har fått godkjent kravet om to års relevant yrkesteoretisk utdanning på grunnlag av realkompetanse, oppfyller kravet om to års yrkesteoretisk utdanning utover vidaregåande skolenivå i første ledd bokstav d.

Personlege eigenskapar

• Du er inkluderande og oppteken av verdien av mangfald
• Du har god pedagogisk forståing
• Du er engasjert og positiv, og legg til rett for variert undervisning
• Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid
• Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven
• Det vert lagt stor vekt på personlege eigenskapar ved tilsetting.

Vi tilbyr

• Eit aktivt og stimulerande fagmiljø
• Ein arbeidsplass der deling og samarbeid er ein viktig del av kulturen
• Løn og lønsutvikling i tråd med Vestlands fylkeskommune sin lønspolitikk
• Gode forsikrings- og pensjonsordningar

Andre opplysninger

Den som skal tilsetjast i vidaregåande skule må leggje fram politiattest av nyare dato

Kontaktinformasjon

Vivian Norstrand, avdelingsleiar, 55511416, vivian.norstrand@vlfk.no

Arbeidsstad

Olsvikåsen 152
5183 Olsvik

Nøkkelinformasjon:

Arbeidsgivar: Vestland fylkeskommune

Referansenr.: 5127886530
Stillingsprosent: 100%
Fast, Vikar
Startdato: 01.08.2026
Sluttdato: 31.07.2027
Søknadsfrist: 26.05.2026