ID 2453 Pedagogisk leiar og barnehagelærar - Sagvåg barnehage avdeling Tjødnalio

Sagvåg barnehage avd Tjødnalio er eig av Stord kommune og ligg i landlege omgjevnader i Sagvåg. Me har kort veg til skog, vatn, fjell og sjø. Her er 40 barn fordelt på små-og storbarnsavdelingar. Hos oss jobbar me aktivt for inkludering med fokus på at alle barn og tilsette skal ha eit trygt og godt miljø i barnehagen. Me har eit aktivt og engasjert personale med høg fagleg kompetanse og lang erfaring.

Visjonen vår er -Saman om den gode barndomen.

Me har ledig følgjande stillingar: Pedagogisk leiar i 100% stilling - vikariat i perioden 15.08.26 - 14.08.27 Barnehagelærar i 100% stilling - vikariat i perioden 15.08.26 - 31.12.26, med moglegheit for fast tilsetjing Skriv i søknaden om du søkjer berre på ein av stillingane eller begge.

Barnehagen søkjer etter deg som:

• har evner til å vera med å vidareutvikla ein god barnehage i tett samarbeid med føresette og tilsette

• har arbeidsglede, arbeidsmot, godt humør og gode samarbeidsevner

• har gode leiareigenskapar

• er positiv, initiativrik, løysningsorientert og strukturert

• kan bidra til å skapa eit godt lærings- og leikemiljø

• har evner til å vera ein tydeleg rollemodell både for barn og vaksne

Arbeids- og ansvarsområde:

• setje i verk og leie det pedagogiske arbeidet i tråd med lov om barnehage og Rammeplan for barnehagen.

• planlegge, gjennomføre, dokumentere, vurdere og utvikle arbeid i høve enkeltbarn, barnegruppa og det område du er satt til å leie

• rettleiing av personale

• foreldresamarbeid

• tverrfagleg samarbeid

• prosjektarbeid

Kvalifikasjonskrav:

• Søkjar må ha utdanning som barnehagelærar

• Godkjent politiattest ikkje eldre enn 3 månader.

• Beherske digitale verktøy

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.