Messinglærar, Fjord kulturskule

Fjord kulturskule er lokalisert på indre sunnmøre, midt i «indrefileten» av det vestnorske fjordlandskapet. Kulturskulen har i dag 8 tilsette og ca. 100 elevplassar. Vi driv desentralisert undervisning på skulane i kommunen. Kulturskule for alle er vår visjon, og vi utviklar kulturskulen for ei brei målgruppe gjennom heile livsløpet. Vår hovudmålgruppe er barn og unge, men vaksne er også velkomne til å søke elevplass i kulturskulen. Fjord kulturskule arbeider tett saman med det frivillige kulturlivet i kommunen.

Fjord kommune byr på svært gode oppvekstvilkår, eit attraktivt kulturliv og attraktive områder for friluftsliv, både sommar og vinter. Kommunen har eit aktivt miljø for blant anna korps, med 3 aktive skulekorps og 2 amatørkorps. I Valldal er det, i tillegg til skulekorpset, eit aktivt og engasjert amatørkorps som jamnleg deltek på konkurransar både lokalt og nasjonalt.

Kulturskulen har onsdag som møtedag (dagtid). Kjerneoppgåve vil vere individuell undervisning av elevar, men andre oppgåver kan også leggast i stillinga. Fjord kulturskule praktiserer 25 minutt vekentleg undervisning for all individuell opplæring i kjerneprogrammet. Det er også stort handlingsrom for å tenke kreativt rundt bruk av undervisningstid i grupper. Målet er at undervisninga alltid skal vere til det beste for eleven og eleven si utvikling.

Fjord kulturskule har følgjande delstilling ledig for fast tilsetting: 

Inntil 25% messinglærar. 

Omfang vil bli avklart i løpet av tilsettingsprosessen. 

For kandidatar med tilleggskompetanse som kulturskulen pr. i dag manglar, kan det vere aktuelt med høgare tilsetting enn 25%. Det kan også vere aktuelt å kombinere denne stillinga med andre ledige stillingar i kommunen. 

Aktuelle kandidater vert kalla inn til intervju

Arbeidsoppgåver

• Vekentleg undervisning av kulturskuleelevar.
• Samspel, ensembleleiing og utøvande verksemd.
• Førestillingar/konsertar og arrangement.
• Delta på personalmøte, foreldrekontakt, rekruttering- og utviklingsarbeid.
• Tett samarbeid med skulekorpsa i kommunen.

Kvalifikasjonar

• Minimum 3 års høgare utdanning innan musikk, med eit av messinginstrumenta som hovudinstrument.
• Praktisk-pedagogisk utdanning       
• Erfaring frå undervisning i kulturskulen blir vektlagt
• Brei og variert kompetanse frå fleire kulturfag kan telle positivt ved tilsetting.
• Personlege eigenskapar blir vektlagt
• Undervisninga er desentralisert, og førarkort (klasse B) på bil er difor nødvendig.
• Det er krav om politiattest ved tilsetting jf. Opplæringslova (§17-11)
  

Personlege eigenskapar

• Trivst godt med å undervise barn og unge
• Er fleksibel og har gode kommunikasjons- og samarbeidsevner
• Kan vise til gode modellar, erfaringar og metodar som engasjerer og skapar god progresjon hos elevar.
• Tar initiativ til prosjekter og aktivitetar for eigne elevar og som engasjerer andre i avdelinga
• God ambassadør for kulturskulen og kulturskulen sine verdiar

Vi tilbyr

• Eit utviklande og fagleg sterkt fellesskap i kulturskulekollegiet.
• Spanande samarbeidsprosjekt med interne og eksterne samarbeidsparter.
• Gode muligheiter for personleg og fagleg utvikling.
• Lønn og arbeidsvilkår i samsvar med avtaleverket i KS.
• Særs gode pensjonsordningar og medlemsfordelar gjennom KLP.
• Gode og attraktive oppvekst- og buforhold. 

Kontaktinformasjon

Thea Marie Ytterdal, Rektor kulturskulen, +47 41576702

Arbeidsstad

Skulebrauta 48
6210 Valldal

Nøkkelinformasjon:

Arbeidsgivar: Oppvekst og kultur Fjord kommune

Referansenr.: 5128741958
Stillingsprosent: 25%
Fast
Startdato: 17.08.2026
Søknadsfrist: 27.05.2026