Vikariat for vernepleiar/pedagog

Det er ledig 80 %  vikariat for vernepleiar, pedagog eller tilsvarande med særkontaktansvar for enkeltelev med psykososiale utfordringar på ungdomstrinnet frå og med 17.08. 2026 til og med 31.07.2027, med moglegheiter for forlenging. 

Andre med relevant utdanning kan òg søkja.   

Sand skule har om lag 285 elevar fordelt på 14 klassar frå 1.-10. trinn. 

Visjonen til skulen er å skapa ein stad for læring med tydelege vaksne, god struktur og trygge elevar som blir rusta for livet. 

Skulen er medlem av den ideelle organisasjonen MOT. MOT har program for ungdomsskular og skulen vår har vald å satsa på Robust ungdom og Skulen som samfunnsbyggjar. MOT-satsinga er ein medverknad for å byggja ein varm og trygg skule, til liks med programmet SUPER, eit program frå same organisasjon som rettar seg mot dei yngste på barnetrinnet, som skulen vår er ein del av.  Prinsippa me arbeider etter er å vera i førekant, ansvarleggjera kulturbyggjarar, forsterka det positive og sjå heile mennesket  

Oppdraget er å utvikla robuste barn og unge som inkluderer alle, gjennom å styrka medvit og mot. 

 Me søkjer etter deg som 

• er ein trygg og varm vaksenperson med god relasjonskompetanse og som gjerne har interesse for praktiske handverksfag. 
• er fleskibel, strukturert og sjølvstendig 
• empatisk, tolmodig og kan stå i krevjande situasjonar over tid 
• er god til å tilpassa deg arbeidsoppgåver og utfordringar ut frå eleven sitt behov 
• vil vera ein lagspelar i skule med andre samarbeidsinstansar utanfor skulen 
• Det er avgjerande at du eignar deg personleg for arbeidet. 

Me tilbyr 

• eit fagleg dyktig og samarbeidsorientert fellesskap 
• rettleiing 
• arbeidsåret følgjer skulen si skulerute i eit komprimert arbeidsår