Sommarvikarar 2026

Ute er det kaldt, men me har starta å tenke på sommarturnusen;)

Gulen kommune har behov for ferievikarar sommaren 2026 i sone Eivindvik - Gulen sjukeheim. Ferieavviklinga er hovudsakleg i perioden veke 25- 32; men det kan også vere aktuelt med jobb utover desse vekene. Eininga består av sjukeheim og heimeteneste. Eininga har også eige kjøken, vaskeri og reinhaldspersonell. Søkjarane må skrive i søknaden frå/til-periode ein kan jobbe og om det er periodar ein ikkje kan jobbe i sommar/eventuelt andre avgrensingar. Søkjarar som kan jobbe samanhengande/lengre periodar vil verte prioritert.

Arbeidsoppgåver

Vi treng personel både i pleien på sjukeheim og i open omsorg (heimetenesta), samt personell på serviceavdelinga (kjøkken, reinhald og vaskeri). Søkjarane bør skrive kva avdeling dei ynskjer å jobbe i og om det er avgrensingar ein må ta omsyn til (til dømes tider ein eventuelt ikkje kan jobbe). 

Kvalifikasjonar 

• Me ynskjer sommarvikarar som vert motivert av å gje ein god og stabil kvardag for bebuarane og alle er velkomne til å søkje; både med og utan helsefagleg bakgrunn. Det vil verte gjeven opplæring. Søkjarar med helsefagleg bakgrunn/utdanning vil verte prioritert.
• Dei som skal jobbe i heimetenestene må ha førarkort klasse B 
• Må kommunisere godt på norsk - både munnleg og skriftleg

Personlege eigenskapar 

• Vi ynskjer ferievikarar som er fleksible, stabile, tar initiativ og ynskjer å bidra til å gje gode tenester til brukarane  
• Kan bidra til eit godt og stabilt arbeidsmiljø
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta og oppvekst, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.
• Løn etter tariff