Skolebibliotekar

Ved Molde vgs. har vi elevane i sentrum. Saman jobbar nesten hundre tilsette kvar dag for å gjere vårt beste for at elevane våre skal nå dei måla dei har sett seg. Saman skal vi bidra til at dei blir best mogleg førebudd for framtida.
 
Molde vgs. har frå våren 2026 behov for skolebibliotekar i 60 % fast stilling. Skolebiblioteket ligg sentralt plassert i hjartet av skolen, og har ei sentral rolle i skolekvardagen til elevar og lærarar. Skolebibliotekaren er plassert i stabsavdelinga ved skolen saman med andre pedagogiske støttefunksjonar som t.d. IKT og administrative rådgjevarar.
 
Vi legg stor vekt på samarbeid innanfor ulike profesjonsfellesskap og på å gje elevane våre ein god opplæring i eit trygt og godt skolemiljø. 

Arbeidsoppgåver

Du får jobbe med: 

• Støtte dei ulike fagmiljøa ved skolen i arbeidet med å skaffe oversikt over tilgjengelege læremiddel og læringsressursar, vere ressursperson for leiinga ved skolen i arbeidet med å velje læremiddel
• Støtte elevar med læringsstrategiar, leseferdigheiter og informasjonskompetanse
• Vere ein aktiv del av elevane sitt skolemiljø, skape arenaer for sosial og fagleg samhandling
• Hjelpe elevar med å auke den digitale kompetansen i fag, jobbe med digital dømmekraft
• Samarbeide med lærarar om å lære elevar metodar for kjeldekritikk og kjeldebruk
• Systematisk arbeid for å fremje leseglede blant elevar, både innanfor skolefag og fritidslesing.
• Formidle litteratur til ungdom på ulike og kreative måtar, også tilrettelagd m.o.t. ulike morsmål, lesenivå og funksjonsnivå.
  
• Samarbeide med andre tilsette ved skolen og eksterne aktørar om ulike arrangement og aktivitetar gjennom skoleåret, med skolebiblioteket som vertskap
• Samarbeide med avdeling for elevtenester om opplæringstilbodet for elevar med tilretteleggingsbehov
• Deltaking i nettverket for skolebibliotekarar i Møre og Romsdal
• Økonomisk ansvar for innkjøp av digitale og trykte læremiddel
• Administrere utlånsordninga for lærebøker og annan litteratur
• Delta i møte og aktivitetari regi av stabsavdelinga, der administrative og praktiske oppgåver må påreknast

Kvalifikasjonar

Vi søker deg som

- har høgare relevant utdanning
- har god digital kompetanse og forståing og er interessert i å halde seg oppdatert på den teknologiske utviklinga i samfunnet
- har god skriftleg og munnleg kommunikasjonsevne på bokmål, nynorsk og engelsk

 

Personlege eigenskapar

Vi søker deg som

- har eit positivt og inkluderande elevsyn med stort engasjement for det sosiale og faglege miljøet til elevane
- er engasjert i litteratur og litteraturformidling til ungdom
- er kreativ og nytenkjande og vil vere med på å utvikle skolebiblioteket som eit moderne og relevant tilbod for elevane våre
- kan arbeide systematisk og målretta, både sjølvstendig og saman med andre tilsette

 Personlege eigenskapar vil bli vektlagt. 

Vi tilbyr

Vi tilbyr
- eit fagleg og pedagogisk fellesskap der vi alle støttar kvarandre
- eit inkluderande og raust kollegium der du får utvikle deg
- gode pensjonsvilkår, gruppelivs- og ulukkesforsikring
- løns- og arbeidsvilkår i samsvar med lov- og avtaleverk

 

 

 

 

 

 

 

Kontaktinformasjon

Berg Celia, Fagleder, +47 99780722

Arbeidsstad

Øvre veg 23
6413 MOLDE

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5051566702
Stillingsprosent: 60%
Fast
Startdato: 01.04.2026
Søknadsfrist: 28.01.2026