Vikariat som Assisterande seksjonsleiar

Urologisk avdeling er ei spennande kirurgisk avdeling med høg aktivitet og høg kompetanse. Avdelinga har m.a. regionalt ansvar for avansert kirurgisk kreftbehandling i urinvegane og i mannlege kjønnsorgan. Avdelinga deler sengepost med Bryst- og endokrinkirurgisk avdeling. Sengeposten du skal vere med å leie har 26 senger og har ca. 2500 døgnpasientar (ca. 2000 urologiske og 500 bryst-og endokrinkirurgiske). Som assisterande avdelingssjukepleiar er du difor medansvarleg for å utvikle sjukepleiekompetansen ved to fagfelt.



Er du opptatt av å gje kirurgiske pasientar god sjukepleiefagleg pleie, utvikle sjukepleiarane sin faglege kompetanse og samtidig har interesse for å vere med å drifte ei avdeling med stort økonomiansvar? Ja, då kan det vere akkurat deg vi ser etter.
Som Assisterande avdelingssjukepleiar ved Kirurgisk klinikk, post 2, vil du jobbe tett saman med avdelingssjukepleiar og avdelingas fagsjukepleiar. Du rapporterer til Avdelingssjukepleiar ved kirurgisk klinikk post 2.

Kirurgisk klinikk, post 2, er ein av fem sengepostar i Kirurgisk klinikk. I vår klinikk samarbeider assisterande avdelingssjukepleiarar tett og har felles mål og plan for utvikling av sjukepleietenesta. Vi ser difor etter ein som kan vere med å utvikle si eiga avdeling i tillegg til å delta aktivt i utviklinga av Kirurgisk klinikk. Fagfelt i klinikken: gastro, plastikk-/brannskade, urologi, bryst- og endokrin og karkirurgi.



Stillinga som er ledig er eit 100% vikariat frå mai/juni 2026 til januar 2027.

Arbeidsoppgåver

• Medansvar for den daglege drifta av avdelinga
• Medansvar for oppfølging og tilrettelegging for tilsette
• Bidra ved rekruttering og halde på personale med rett kompetanse
• Bidra til samarbeid med andre avdelingar/yrkesgrupper
• Bidra til eit positivt og godt arbeidsmiljø
• Stedfortreder ved fråvære av avdelingssjukepleiar

• Skal gjennom rettleiing og tilrettelegging av undervisning bidra til auka kompetanse hos sjukepleiarane og helsefagarbeidarane i avdelinga
• Ha medansvar for at kompetanseportalen blir følgt opp for den enkelte medarbeidar
• Systematisk synergiarbeid- vårt interne avvikssystem

Kvalifikasjonar

• Norsk autorisasjon som sjukepleiar
• Utdanning innanfor leiing og leiarerfaring er positivt
• Erfaring frå ein kirurgisk sengepost er ein fordel
• Det vil bli lagt stor vekt på personlege eigenskapar der søkar er spesielt skikka for stillinga
• Gode norskkunnskapar både munnleg og skriftleg

Personlege eigenskapar

•  Må kunne arbeide sjølvstendig
•  Må vere fleksibel og kunne vise handlekraft
•  Vi forutset at du har god samarbeidsevne og kan gjere medarbeidarane gode
•  Du viser ansvar: du gjer det du seier du skal gjere og opptrer profesjonelt i arbeidet dit
•  Du viser openheit: du deler kunnskap og du gjer deg tilgjengeleg

Vi tilbyr

• 100% vikariat frå mai/juni 2026 til januar 2027
• Ein spennande og utfordrande arbeidsplass
• Eit godt samarbeidsklima med andre leiarkollegaer i klinikken
• Lønn etter avtale
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Thea Amalie Sagstad Nestaas, Konstituert seksjonsleiar, 55976476, thesag@ihelse.net

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5093884625
Stillingsprosent: 100%
Vikariat
Startdato: 26.05.2026
Sluttdato: 31.01.2027
Søknadsfrist: 24.03.2026