Miljøarbeidar

Vil du vere med å styrke laget rundt eleven?

Rubbestadneset skule søkjer etter ein engasjert miljøarbeidar til skule og SFO. Me ser etter deg som er glad i barn og unge, og som har lyst til å bidra til å utvikle eit trygt og inkluderande miljø – både i undervisning og i SFO.

Som miljøarbeidar hos oss vil du vere ein viktig del av laget rundt eleven. Du vil jobbe tett saman med lærarar og andre miljøarbeidarar for å skape gode relasjonar, trygge skuledagar og eit variert og utviklande SFO-tilbod.

Rubbestadneset skule har ledig ei fast stilling som miljøarbeidar i 70 %.

Om skulen:

Rubbestadneset skule er ein 1.–7. skule med tilhøyrande SFO. Skulen har i dag 174 elevar og 76 barn i SFO.
Me har òg ei innføringsklasse med tilrettelagd undervisning for elevar frå mange ulike land, noko som bidreg til eit rikt og inkluderande mangfald.

Skulen har eit tett samarbeid med Høgskulen på Vestlandet som lærarutdanningsskule.

Me held til i flotte omgjevnader med stort uteområde og nærleik til skog og natur. Personalet består av om lag 30 tilsette som arbeider godt saman for å gi elevane våre trygge, gode skuledagar og eit inkluderande SFO-tilbod.

Arbeidsoppgåver

• Vere aktivitetsleiar for elevgrupper i SFO og bidra inn i undervisningssituasjonar
• Planleggje og gjennomføre varierte aktivitetar for elevar, både inne og ute
• Bidra til å utvikle eit godt og meiningsfullt innhald i SFO i tråd med rammeplan for SFO
• Leggje til rette for at elevane opplever meistring og trivsel i både skulekvardagen og SFO-tida
• Følgje opp elevar med særskilde behov og bidra til eit inkluderande og heilskapleg læringsmiljø
• Samarbeide tett med kollegaer om oppfølging av einskildelevar og elevgrupper
• Delta i samarbeid med føresette og relevante hjelpeinstansar ved behov
• Bidra til eit trygt, positivt og inkluderande miljø for alle elevar

 

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

Krav:

• Fagbrev som barne- og ungdomsarbeidar eller helsefagarbeidar
• Gode norskkunnskapar, både munnleg og skriftleg

Relevant arbeidserfaring kan i særskilde tilfelle kompensere for manglande formell utdanning.

Ønskjeleg:

• Erfaring frå arbeid med barn og unge, gjerne innan skule og/eller SFO
• Erfaring med miljøarbeid og relasjonsbygging
• Erfaring med oppfølging av barn med særskilde behov
• Kjennskap til bruk av IKT som arbeidsverktøy

Personlege eigenskapar

Me ser etter deg som:

• Er ein trygg og omsorgsfull vaksen som møter elevar med varme, tydelegheit og respekt
• Er ein god relasjonsbyggar med evne til å skape tillit og gode relasjonar til barn og unge
• Kan arbeide sjølvstendig, ta ansvar og leie aktivitetar for elevgrupper
• Har gode samarbeids- og kommunikasjonsevner i møte med elevar, føresette og kollegaer
• Er fleksibel og løysingsorientert, og kan handtere varierte og til tider krevjande situasjonar

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Vi tilbyr

• Varierte og spennande arbeidsoppgåver i ein flott kommune
• Faglege og personlege utfordringar i eit godt og inspirerande arbeidsmiljø
• Gode offentlege pensjons- og forsikringsordningar
• Løn og arbeidsvilkår i samsvar med gjeldande lov og avtaleverk
• Som tilsett får du tilbod om medlemskap i velferdsklubb som gjev tilsettegoder.

Andre opplysingar

Administrasjonsmålet i kommunen er nynorsk.
Det vert stilt krav om politiattest ved tilsetjing etter Opplæringsloven § 17-11, jf. politiregisterloven § 39 første ledd.
Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn 
Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25
Synest du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar som stadfestar tidlegare arbeidsforhold. Ved førespurnad må du kunna skaffa bekrefta kopiar av dokumentasjonen din.
Dersom du har spørsmål om stillinga og rekrutteringsprosessen, ta kontakt med rektor Tone O. Baugstø.

Kontaktinformasjon

Tone O. Baugstø, Rektor, 990 34 994, tone.baugsto@bomlo.kommune.no

Arbeidsstad

Ramskleiva 49
5420 Rubbestadneset

Nøkkelinformasjon:

Arbeidsgivar: Bømlo kommune

Referansenr.: 5130306933
Stillingsprosent: 70%
Fast
Søknadsfrist: 31.05.2026